Rematou o megaobradoiro de globoflexia e maxia a cargo de Elisa Alfaya, que encheu de cor, música e maxia o auditorio da Casa da Cultura. Tanto nenos como adultos disfrutaron facendo figuras. A actividade tivo unha alta participación e moitísima diversión para todos.

Black Galicia ofreceu un espectacular concerto o pasado xoves 17 de agosto na Casa da Cultura do Vicedo. Un concerto onde se repasou a historia de moitas mulleres do soul cunha vida complicada pero que aínda así foron grandes estrelas da música. Un público moi entregado e respectuoso disfrutou do fantástico repertorio de Iria Mejuto.

Cunha fantástica posta en escea, moito traballo e música Moc Moc presentou o seu espectáculo Pequedisco onde nenos e non tan nenos pasaron unha hora chea de música, coreografías, malabares, etc…O espectáculo contou con moi boa asistencia de público e a diversión foi total.

Un numeroso grupo de nenos e nenas acompañados polas familias disfrutaron da historia de superación de Raio, The Loubican, metade lobo, metade can, que presentou Mircromina títeres este xoves na Biblioteca Municipal.

Unha actividade moi amena que fixo disfrutar a todos os asistentes e ademais puideron coñecer de cerca a Raio.

Un bo número de nenas e nenos acompañados polas súas familias asistiron á actividade de animación á lectura hoxe xoves á tarde no Vicedo. Atenea García presentou o seu espectáculo de narración oral divertindo a nenos e maiores.

Un numeroso grpo de nenos e adultos participaron onte no concerto de Música Míuda no salón de actos da Casa da Cultura do Vicedo. Música e diversión para toda a familia entre música e contos.

Ghazafelhos Teatro representou a obra “Teatro sen Pandora” ante un público do Vicedo moi participativo que disfrutou coa obra chea de risas e cancións, ademais dunha mensaxe que resalta a grandes mulleres da historia.

Cunha grande participación das nenas e nenos asistentes, xunto coas súas familias, o espectáculo Circo na Casa tivo moi boa acollida na súa actuación o xoves 30 de setembro pola tarde. Risas, palmadas, malabarismos para a tarde do xoves e cunha mensaxe clara de igualdade de xénero.

Pakolas e Laura Cerdeira ofreceron un gran concerto onte á noite na Casa da Cultura. Nen@s e maiores disfrutamos das coreografías e do rock de Pakolas así como os debuxos de Laura! Ao final os nenos e maiores puideron compartir un rato con Pakolas e, en definitiva, pasar unha tarde-noite moi amena.

A música volveu a soar no auditorio da Casa da Cultura do Vicedo a cargo de María Faltri presentando o espectáculo Bibliodiscoteca. Unha sucesión de cancións infantís galegas que fixeron as delicias dos nenos e nenas e tamén dos acompañantes.   A Cultura é segura e moi divertida!