María García, autora do libro “Alma de Grilo”, presentou o miniespectáculo do mesmo nome na Biblioteca Pública do Vicedo. A este evento asistiron os compoñentes do Club de Lectura do Vicedo, que xa tiñan lido o libro previamente, co cal disfrutaron moito máis aínda da sesión. Unha actividade marabillosa e enriquecedora coa visión da propia escritora en directo.

María Faltri presentou un espectáculo musical ameno e divertido para os nenos e nenas que se achegaron á sala de exposicións da Casa de Cultura do Vicedo, con moita musica galega e achegándose aos libros presentes na colección da biblioteca local.

A compañía Trécola fixo as delicias dos nenos e nenas do Vicedo coa actividade de Ler Conta Moito “Contos da Lúa”, unha actividade que gustou moito aos mais pequeniños polo tipo de historias contadas, que mantiveron  a súa atención e potenciaron, sobre todo, a imaxinación.

Hoxe 14 de outubro celebrouse unha nova actividade de Ler Conta Moito, nesta edición 2025. Trátase de Os Contos da Leiteira, onde os nenos e nenas asistiron a unha de serie de historias contadas con moita habilidade por Lucía. Unha actividade baseada nas historias que aparecen nos contos da editorial OQO e onde mostrou o bo labor desta editorial e, e xeral, de todas as editoriais galegas.

Unha morea de nenos e nenas de Primaria do Vicedo achegáronse ao Vicedo para a presenciar “Contos de Caverna” a cargo de Lila Teatro. Un espectáculo de animación á lectura que fixo as delicias dos nenos e maiores coas historias tan entrañables de Aniceto e Nicasio.

Un ano máis Xoán Curiel deleitou aos asistentes cunha serie de temas de autores galegos homenaxeados nas Letras Galegas así como de outros autores galegos importantes para a nosa cultura. Un grato espectáculo ao que asistiu numeroso público tanto galego como do resto do país.

Hoxe celebrouse unha actividade de animación á lectura moi divertida e motivadora para todos os asistentes. Ian e Elisa deleitaron aos asistentes cun espectáculo no salón de actos da Biblioteca Pública de O Vicedo onde mostraron as súas habilidades coa maxia, as sombras chinescas e…o humor.

Espectáculo de maxia, para todos os públicos, realizado polo mago Oscar Fernández no Salón de actos da Casa da Cultura do Vicedo con temática do Samaín.

Unha actividade moi interesante hoxe no Vicedo onde os nenos e nenas aprenderon moito sobre a natureza e os contos a través de Helga Méndez. Concienciación medioambiental moi necesaria para todas as idades.

Fermosa actuación de Silvia Penide e Carla López na terrraza da Casa da Cultura do Vicedo ante un público moi participativo e entregado. Fixeron as delicias dos asistentes coa súa entrega e complicidade co público.