Un grupo de nenos e nenas do Vicedo e de diferentes idades participaron esta tarde no “obradoiro de paisaxes de sempre para nenos e nenas de agora”. Durante a actividade puideron coñecer a historia de Antonia Dans e debuxar e disfrutar xuntos da man de Sheila.

Unha morea de nenas e nenos do Vicedo presenciaron o espectáculo  A Festa dos Monicreques, que presentou Larraitz Urruzola no salón de actos da Casa da Cultura, onde se cumpriron escrupulosamente todas as medidas de seguridade establecidas a causa da COVID-19. Houbo risas, música e moita diversión para nenos e non tan nenos.

Garabato de xogos representou hoxe xoves 24 de outubro a obra “Unha armadura con ferruxe”, unha actividade moi divertida onde os nenos e nenas puideron divertirse coas divertidas aventuras do protagonista.  Ademais a historia leva implícita unha mensaxe de igualdade que é moi importante. En definitiva, unha actividade totalmente satisfactoria.

Unha nova actividade de animación á lectura da Biblioteca Pública Municipal do Vicedo, dentro do programa Ler Conta Moito,     neste caso a cargo de Lucas Requejo e os contos pola nosa saúde. Boa participación e diversión dos nenos e nenas que se achegaron á Casa da Cultura, oíron contos, compartiron historias e probaron unha bomba final de saúde en forma de superalimento

.

Nunha calurosa tarde, María Lado e Lucía Aldao presentárose hoxe venres 4 de outubro aos nenos e nenas do Vicedo para representar o espectáculo “A Ovella Engracia  e a lúa”.  Estiveron moi atentos e puideron disfrutar da narración e da música e pasaron unha hora moi agradable.

Ernesto Suárez presentou no Vicedo, na sala de exposicións, o seu espectáculo de contacontos Historias Sorprendentes para nenos diferentes. Unha boa cantidade de nenas e nenos do Vicedo e comarca achegáronse ao Vicedo para disfrutar das variadas historias de Andrés, que conectou inmediatamente cos nenos e pasaron un moi bo rato escoitando as súas historias. 

Un salón de actos ateigado de xente asistiu ao espectáculo do Mago Teto no Vicedo o martes 13 de agosto. Ao longo de máis de unha hora os nenos e maiores puideron disfrutar dun espectáculo cheo de maxia e humor que fixo as delicias de t   odos. Unha forma de achegarse ao mundo da lectura a través da maxia

.

Títeres Cachirulo triunfou cunha obra de Títeres moi divertida e con moita participación por parte dos nenos e nenas asistentes. Acompañou o bon tempo e puidemos facer a representación na terraza da biblioteca co cal se puido abrir a actividade mesmo a adultos.

Olga Brañas presentou un fermoso espectáculo de cine mudo acompañado por piano que deleitou aos nenos e nenas presentes, así como tamén aos maiores. A proxección da película  “O moderno Sherlock Holmes”, de Buster Keaton, fixo as delicias dos asistentes e a forza interpretativa ao piano de Olga, tamén propiciou que se xerase un clima moi interesante no espectáculo. Unha actividade de moito interese que deixou con moi bo sabor de boca aos asistentes.

O Xoves 2 de agosto tivemos unha actividade cultural moi amena. Xoán Curiel e Iris Gey interpretaron música en galego, castelán e portugués nunha tranquila noite de verán na terraza da Casa da Cultura. Foi unha actuación enmarcada no programa de animación á lectura Ler Conta Moito. Un pracer contar con eles aquí.