Onte , 5 de setembro, visitou a nosa biblioteca “O faiado de Nin” co seu obradoiro de mochilas. Nenos e nenas disfrutaron creando os seus propios deseños para as mochilas nas que poderán levar as súas lecturas preferidas. Unha sesión moi divertida e creativa

A rapazada de Muxía pasou unha tarde estupenda co Mago Javier Muro e “O neno que quería ser mago” a maxia e os libros xuntos nunha actividade moi entretida.

O mago Pedro Bugarín na actuación no Pereiro de Aguiar “Mundo máxico 3.0” deixou abraiados a pequenos e maiores.

O martes 28 de agosto contamos con esta actividade de dinamización con música, teatro e danza.

Moi entretido, pasámolo xenial. Grazas.

Este sábado, 2 de setembro, tivemos unha interesante actividade. “Alejandro de la Sota. Arquitectura para nenas e nenos”.

O taller infantil cadrou coa exposición “Alejandro de la Sota. 1913-1996”, organizada polo COAG en colaboración coa Real Academia Galega de Belas Artes e a Fundación Alejandro de la Sota, que estaba na Porta do Sol, moi preto da Biblioteca.

Á 11.00 h comezamos no salón de actos do Centro Cultural Lustres Rivas e, con moita atención, aprendemos quen é o arquitecto Alejandro de la Sota e as cousas incribles coas que fixo posible a contemporaneidade na nosa vida.

Barras e nós para soster os nosos teitos.

 

Despois, na Biblioteca, traballamos para crear os soportes máis rexos e máis lixeiros.

 

E toda a actividade ao carón dos libros sobre arquitectura que tiñamos moi á man na mesa de exposicións bibliográficas das nosas instalacións.