O pasado mércores recibimos na ALM de Carnota a Fran Campos, de Bandullo Azul, acompañado dunha convidada especial: a súa amiga Filipa! De regreso dunha longa viaxe en globo polo mundo, Filipa compartiu connosco un feixe de historias que traía na súa maleta, e Fran completou a contada coa terrorífica historia da Figueira de Pelostortos e con divertidos contos acumulativos acompañados de música en directo. Pasámolo en grande!

Obradoiro de animación baseado no achegamento á ilustración despñois de escoitar a narración de contos. Quince  nenos de ata 8 anos  remataron a sesión elaborando a  súa propia ilustración.

Obradoiro de ilustración para nenos de 4 – 12 anos.

Os nenos aprenderon a técnica de estampación.

Na Biblioteca Municipal de Paderne, durante o dia de hoxe, os nenos e nenas que participan nas aulas de conciliación do verán puideron desfrutar dunha animada xornada , dentro do programa “Ler conta moito” levada a cabo polo  Mago Pedro .

Durante a mañá os nenos foron partícipes deste obradoiro de maxia  , no que non só aprenderon que os libros e a maxia están intimamente relacionados, senón  tamén algúns trucos. Foron xogos  con obxectos colidíanos e que poderán facer eles mesmos nas súas casas, sinxelos pero moi vistosos.

Foi preciso dividir ós asistentes en dous grupos para mellor aproveitamento da actividade. Sen dúbida unha animada e instrutiva mañá de maxia.

Este pasado luns día 12 de agosto, visitounos na Biblioteca de Riotorto “Carballo con Botas” co seu espectáculo “A pequena fábrica de corazóns de papel reciclado“.

Neste obradoiro- contacontos os máis pequenos comezaron a actividade reciclando papeis de xornal onde aparecían malas novas sobre a violencia de xénero para transformalas en corazóns de papel reciclado.

Acompañou este obradoiro cunha serie de contos solidarios interpretados con monicreques de artesania tecidos por cooperativas de mulleres dentro do comercio xusto con monicreques tecidos en Bangladesh, a India,Guatemala…defendendo o conto como ferramenta educativa, de sensibilización e loita para construír un mundo en harmonía co ecosistema e garante da xustiza social.

Carballo con Botas en Riotorto

Carballo con botas na Biblioteca de Riotorto

O venres 9, visitounos  TrinkeTrinke, na ALM de Vilariño, os usuarios máis pequenos da biblioteca foron os destinatarios do espectáculo “Paxariños”. A artista conseguiu atrapar e manter a atención dos nenos e nenas ao longo de toda a obra.  Para moitos deles era o seu primeiro contacontos e tendo en conta o ben que o pasaron, seguro que non será o último.

“As nosas historias” é un obradoiro moi participativo no que en todo momento os nenos e nenas puideron gozar da maxia do teatro de sombras e crear os monicreques baseados nun conto da nosa tradición oral.

^{Tratouse dun contacontos de igualdade, participativo no que os nenos acompañaron a Daniela na súa loita por converterse nunha auténtica pirata a pesar da oposición do capitán, que non permitía nenas no seu barco.}

^{Os asistentes xogaron, cantaron e loitaron contra a desigualdade superando as mesmas sete probas ás que tivo que enfrontarse Daniela na súa aventura. Porque para ser un bo pirata hai que saber pescar, ser forte coma un carballo, rápido coma un lóstrego, sixiloso coma as serpes, non ter medo a nada, saber preparar unha boa sopa e atopar tesouros perdidos.}

O mércores 7 de agosto tivemos unha sesión de contacontos musicada co gran mísico e compositor Magin Blanco.

Pasámolo xenial e volveríamos a repetir.

Hoxe tivo lugar na Axencia de Lectura Municipal de Riós, a atividade: A carteira de augas claras, á cal acudiron moitos pequenos e pequenas que recibiron unha importante mensaxe o respeto e a igualdade entre todos.