O pasado sábado 14 de outubro visitou a biblioteca de Sada o Mago Paco, que lles descubriu aos asistentes que os libros poden esconder moita maxia.

Os nenos e nenas gozaron moito dun espectáculo de animación á lectura divertido e participativo.

O día 14 de outubro tivo lugar na sala multiusos do Concello de Viveiro a actividade Contos do Mundo: as Viaxes de Irene. Os nenos e nenas de Viveiro viaxaron coa imaxinación ata Guatemala e outros lugares para coñecer culturas diferentes , poñendo en valor as distintas tradicións e ver o mundo con unha ollada positiva.

O martes 10 de outubro continuando as sesións de contacontos, Anxo Moure, “Carballo con Botas”, chegou á Biblioteca de Outes portando unha carta dos bosques para que os nen@s aprendan a coidar da terra e das árbores.

Despois de contar as historias deulle a cada neno un zapatiño de cartón e saímos ao souto que hai ao lado da biblioteca para abrazar as árbores.

Este venres os nen@s pasárono en grande coa “Nube de Artear” e o seu obradoiro de robótica educativa.

Aprenderon o que significan os robots nas nosas vidas e que sen nós eles tampouco existirían.

Moitas grazas.

Onte pola tarde tivemos na nosa biblio a actividade Robótica na biblioteca, unha actividade realizada por Átomos.

Achegamento ao noso fondo relacionado co mundo da robótica e elaboración dun robot que cada participante puido levar par a súa casa.
Actividade moi didáctica e moi entretida.
Gustou moito.

Na tarde do mércores recibimos na ALM de Buxantes a visita do mago Dani García coa actividade Escola Galega de Ilusionismo.

Un pequeno espectáculo seguido dun obradoiro no que as persoas asistentes aprenderon algúns efectos máxicos cos que sorprender a futuros auditorios familiares e amistosos.

Actividade moi entretida.

As alumnas e os alumnos de Segundo da ESO do IES O Mosteiron, de Sada, gozaron moito de “O Mundo da Dobraxe”.
A biblioteca organizou dúas sesións para que os grupos fosen reducidos e a actividade fose máis participativa. Así, todos os asistentes puideron converterse en actores e actrices de dobraxe por un día, e saíron encantados da experiencia.

Paco Nogueiras actuou para os nenos de Vimianzo.

Cantou e contou temas do seu libro-CD do mesmo título.

Espéctaculo no que os nenos desfrutaron moito

O pasado venres 6 de outubro, Leonor e Cristina (Leo Leíño) visitaron a biblioteca municipal de Monforte de Lemos. Nenos e nenas de entre 5 e 6 anos asistiron a un espectáculo de maxia que os tivo engaiolados durante a hora que durou. Libros que arden pero non se queiman, a historia do Principiño, Don Quixote e outros parsonaxes literarios sirven de fío conductor para os números de maxia que combinan coas historias destes libros.

O público quedou moi satisfeito da actuación destas dúas magas boas que despertan moita tenrura entre os máis pequeniños.

Na tarde de onte, na ALM de Dumbría asistimos ao espectáculo de Tarabelos “O traxe novo do rei”.

Estupendo espectáculo que se adapta a un abano amplo de idades.
Os pequenos, moi atentos; os maiores, moi enganchados durante todo o relato.