O sábado 13 de setembro tivemos un espectáculo de maxia na biblioteca, coa maga Fani e o ilusionista Martín Camiña. Foi unha maneira diferente de transmitir emocións (sorpresa, asombro…), xerando ilusión na rapazada, que participou activamente.
Pasamos unha tarde de risas e aplausos, moi entretida, que nos encantou tanto aos grandes como aos pequenos.
Unha experiencia inesquecible para públicos de todas as idades. Ainda que foi dos primeiros dias de choiva.
Bolboretas, osos, cebras, leonas, monos e mesmo unha humana comparten a mesma ilusión : vivir nun lugar no que sexan libres. Por iso deciden escapar do zoo no que os animais están enxaulados e a humana traballa, en busca dese sitio.
Despois de moitas aventuras, acabarán atopándoo e mesmo entablarán unha bonita amizade con mostro rosa, monstro azul ou a xirafa sen voz.
Unha tenra e esperanzadora historia na que seres moi diferentes conseguen vivir en armonía.
O pasado Venres 12 de setembro demos inicio ás actividades de outono-inverno na Biblioteca Pública Municipal do Concello de Pazos de Borbén – BiblioPazos co espectáculo “ECORALIA, A LAMBONA ECOLÓXICA” que nos trouxo “PAKOLAS” co que conmemoramos a chegada do Equinocio de Outono e o inicio do Curso Escolar.
Este espectáculo está baseado no último libro-disco de PAKOLASque foi editado polo CRAEGA – Consello Regulador da Agricultura Ecolóxica de Galicia en Decembro de 2024 e que tedes dispoñible na nosa Biblioteca e no resto das Bibliotecas de Galicia desde este ano 2025.
PAKOLAS presentou unha proposta musical-narrativa contando e cantando a historia da meiga Ecoralia, que nos ensinou a través das súas cancións e contos a importancia de consumir alimentos ecolóxicos, para coidar o medio ambiente, combater o cambio climático e garantir o benestar animal.
A través das cancións e a narración, adentrámonos nas entrañas da carballeira máis extensa de toda Galicia, onde a vexetación é máis mesta e verde, vive Ecoralia. Sempre viste da cor do musgo e levaba unha trenza longa e roxa recollida cun estalote. Ecoralia é unha meiga moi nova e boa coñecedora de conxuros ancestrais aprendidos das súas avoas. Pero ela non é coma as demais.
O certo é que o pasamos moi, pero que moi ben.
Aquí vos deixamos unhas imaxes de como foi o asunto…
Por certo o libro en PDF, as cancións e o material educativo pode ser descargado desde a seguinte páxina web:
https://www.craega.es/es/divulgacion-infantil/
O venres, 12, de 6 a 8 da tarde na axencia de lectura das Somozas comezamos o curso con boa letra disfrutando do obradoiro “debuxando letras” de Alba Farto.
Descubrimos as letras cursivas e redondas, os estilos e as familias de letras e como se fixo o primeiro alfabeto.
Gozamos dos pinceis, lapis e rotus, das cores!!… e quedamos con ganas de máis.
O pasado venres, tivemos o gato Fazulas na Biblio!! Unha tarde moi gatuna da man de Bandullo Azul.
A pianista Olga Brañas musicaliza en directo a película de cinema mudo Sherlock Holmes. Grande espectáculo que encantou ós asistentes.
Neste obradoiro de maxia aprendemos sorprendentes trucos para comprender a importancia da igualdade de xénero na nosa sociedade.
O pasado sábado 13 de setembro a biblioteca de Narón converterase nun escenario cheo de misterio e emoción coa actividade Escándalo na biblioteca, un xogo de escape room para nenos e nenas a partir de 8 anos.
Durante esta aventura, os/as participantes convertéronse en detectives para resolver un estraño caso que sacudiu á Aula Marabilla do colexio Fantasía. O grupo viña á biblioteca para asistir ao espectáculo do Mago X, pero… algo saíu mal. A luz marcha varias veces e, de súpeto, todo está revolto!
As nosas pequenas e pequenos detectives puxeron a proba a súa mente e traballaron en equipo para resolver o misterio. 🧠✨Unha vez máis, a experiencia demostrounos que non é bo deixarse levar polas aparciencias. 😉
Escoitar un conto é darlle á cachola e viaxar a outros mundos. Sorprenderse tamén.
Este espectáculo fala do mundo animal, que tanto lle presta ás nenas e nenos.
Unha xirafa que rompe o tellado polo seu inmeso pescozo, a vaca Lola, un can que sopra un globo…
Un xeito de contar historias moi didáctico e que promove a participación constante do público.
Está orientado para a rapazada ata os dez anos.
Séguenos