O pasado sábado 3 de xuño celebramos cun chisco de adianto o Día mundial do medio ambiente.
Fixémolo co espectáulo Que contan as árbores…? da compañía Maquinarias Teatro.
Os nenos e nenas e as súas familias quedaron encantados/as coas fermosas historias de árbores que Helga Méndez compartiu con todos e todas nós.
Dentro das actividades coas que este ano celebramos o Día internacional das bibliotecas non podía faltar unha para os máis pequenos e pequenas da casa. O pasado sábado día 15 recibimos a Olga Abad na biblioteca co seu espectáculo para bebés A biblioteca que viaxaba no tempo, unha sesión de contancontos chea de cores, sons e interactuacións. Os nenos e nenas pasárono así de ben:
O pasado venres 7 de outubro a Biblioteca Pública Municipal de Narón recibiu a Damián Alonso co seu obradoiro Aprende a ler en voz alta, aprende a contar, unha actividade para maiores de 16 anos coa que reforzar as nosas habilidades para falar en público e contar historias.
Durante hora e media as participantes coñeceron as ferramentas básicas para chegar a ser unhas boas contadoras de contos. Tanto é así que pode que algunha se anime a facer algunha actuación na propia biblioteca!!
Este pasado sábado 1 de outubro arrincou a programación de actividades coas que durante todo o mes celebramos o Día Internacional das Bibliotecas.
Recibimos á compañía Os náufragos teatro, que viñeron ofrecer aos nenos e nenas a ás súas familias un obradoiro participativo no que imaxinar como sería a súa biblioteca ideal. Puxemos a traballar as súas cabeciñas e as súas mans para plasmar todas as súas ideas nun fermoso libro que a partir de agora poderá consultar toda a veciñanza.
En Narón pechamos a nosa tempada de actividades infantís cun espectáculo de narración oral para bebés a cargo da compañía Charlatana.
O pasado sábado 18 de xuño os máis pequerrechos/as da casa emprenderon unha viaxe polo mar chea de experiencias visuais e sonoras.
Este sábado 28 de maio recibimos a Sheila García, da compañía Costa Oeste, que veu ofrecernos o seu obradoiro creativo Debuxar textos e ler debuxos con Florencio Delgado. Esta actividade é unha proposta de animación á lectura onde, grazas aos poemas de Florencio Delgado e á técnica dos caligramas, descubrimos a importancia das artes como medio de expresión artística. Cada participante deseñou a súa propia bolsa de tea contribuíndo deste xeito á sensibilización ambiental e á creación de conciencia en materia medioambiental.
Con esta actividade na que puideron participar persoas de todas as idades pechamos os actos conmemorativos do Día das Letras Galegas 2022.
A sala de actividades da nosa biblioteca acolleu o sábado 16 de outubro Brilla-brilla, un espectáculo para bebés da compañía Trémola Teatro.
As familias participantes quedaron abraiadas da gran calidade desta actividade na que as artistas conseguen manter a atención dos/as bebés en todo momento.
O sábado 9 de novembro a compañía Trécola producións ofreceu ás familias de Narón con bebés entre 0 e 36 meses un obradoiro colaborativo co que coñecemos diferentes actividades de inspiricación Montessori, Waldorf, Pickler ou Reggio Emilia. Aprendemos sobre os distintos intereses e necesidades das crianzas, compartimos receitas de diversión, e fabricamos un xoguete para a nosa crianza.
O mércores 6 de outubro os nenos e nenas de Narón participaron nun obradoiro no que elevaron a súa inventiva e imaxinación. Ciencia e maña combináronse para conseguir abrir o cofre do tesouro.
Esta actividade foi desenvolvida por Ciencia en movemento dentro do programa Ler conta moito.
Séguenos