O pasado xoves 7 de xuño, no Auditorio do Centro Ágora, e dentro do acto de peche dos Clubs de Lectura, tivemos a sorte de contar coa melodiosa voz de Iria Mejuto, que acompañada de Richi Rozas, nos deleitou con temas como Georgia e Back to Black.

Un pracer para os nosos oídos.

O día 10 de maio na Biblioteca Municipal de Estudos  Locais da Coruña o grupo Xardín Desordendo ofreceu o concertó homenaxe a Carlos Casares musicando una selección dos seus textos literarios.

Tivo  un gran éxito de público que quedou entusiasmado coa actuación. Parabéns a Xardín Desordenado

O 15 de marzo na Biblioteca Municipal de Estudos Locais tivemos a actividade “Historias e clarinete para celebrar o feminino” .A través da narración de historias,recopiladas unhas, creadas outras pola narradora Teresa Grau celebrouse o feito de ser muller. Xunto a ela, Fernándo Estévez, que ademáis de darlle a réplica ao discurso, acompañou ao clarinete e a gaita.

O día 19 de outubro na Biblioteca Municipal de Estudos Locais da Coruña, Xurxo Souto, a partir do seu libro “Contos do Mar de Irlanda” achegounos ao mar, ás súas historias e ás súas cancións. Contou coa colaboración de Teresa Ramiro que declamou un poema de seu, e con algunhas testemuñas das anécdotas coas que nos deleitou. Todos os terrícolas, que alí estabamos, puidemos gozar e aplaudir o seu interesante e divertido océano.

O dia 15 de xuño na Biblioteca Municipal de Estudos Locais (A Coruña) tivo lugar  a charla de Xulio Dopico sobre o comic galego. A exposición foi clara e ben estructurada. Acompañouse de imaxes e exemplares orixinais que se mostraron e puideron ser ollados polo público. O resultado foi moi satisfactorio

Na Biblioteca Municipal “Estudios Locais ” tivo lugar un espectáculo de Maxia e Música en torno a Manuel María, o benquerido poeta homenaxeado este ano con motivo do día das Letras Galegas. Os maestros de ceremonias do evento foron o baxista Alvaro Muras e o ilusionista Martín Camiña, que achegaron o público a vida e a obra de Manuel María mediante unha acertada posta en escea que combina maxia e música. Oitenta persoas, entre cativos e adultos, disfrutaron dunha hora onde tamén eles foron os protagonistas, pois axudaron a Camiña a elexir unha carta da baralla, a ocultar panos no peto e a sacar cordas dalgunha dimensión descoñecida..

Recentemente (os días 6, 7 e 9 de Agosto) tivemos a sorte de contar con Xes Chapela na Biblioteca Municipal de Ágora na Coruña, conducindo o obradoiro creativo Libros, imaxes, curtametraxes. Todo un exercicio de creatividade vencellado aos libros, e neste caso aos cómics, xa que o obradoiro formaba parte das actividades que dende as Bibliotecas Municipais da Coruña se viñeran preparando para celebrar o mes do cómic e en colaboración co Concello da Coruña e o programa Ler Conta Moito.

Se ben a afluencia nas inscripcións foi máis ben reducida, as duas persoas que acudiron ao obradoiro, dada a formación dunha delas, derivou nunha complicidade propia na que se mezclaba a creatividade e o interese no mundo audivisual de xeito directo. Así, aproveitando a celebración nesa semana do festival de cómic Viñetas desde o Atlántico, durante os dous primeiros días decidiuse montar unha curta que recollera o espíritu do cómic na cidade e amosar a grande cantidade de eventos que se estaban a celebrar en diferentes espazos, todos eles en relación ao cómic.

O resultado tomará forma de curtametraxe tomando como escenarios os diferentes espazos expositivos da cidade, as charlas dos autores presentes no festival de Viñetas, e todo o ambiente que na cidade se estaba a respirar mentras se celebraba toda a semana. Así que desde as Bibliotecas Municipais da Coruña invitámosvos a seguir o noso blog de cómic, onde será publicado o resultado creativo deste obradoiro en canto estea rematado.

Un placer contar con Xes e o seu entusiasmo creativo!