O martes 10 de outubro, na Biblioteca Municipal de “O Froxel” Fco.A.Vidal no Concello de Arteixo, tivo lugar o obradoiro Perder o medo a través da poesía a cargo de María Canosa.

O obradoiro de María Canosa, foi unha sesión de narración na voz dunha nena (a propia autora) que tiña pequenos temores, pero que aprendeu a expulsalos lembrando poesías.

Cada un dos poemas trata sobre un dos medos que normalmente afectan á infancia (escuridade, trekking, pallasos, médicos …), ao final dos cales, móstranse os motivos polos que este pánico debe ser

eliminado. Foi unha sesión moi amena que fixo disfrutar a nenos e maiores.

O día 3 de outubro, volveron os contos á Biblioteca de O Froxel “Fco.A.Vidal” de Arteixo,  da man de Fran Campos de Bandullo Azul e a monicreque FILIPA, para facer un percorrido polos contos máis tradicionais, a través da palabra e da súa guitarra con música en directo. A rapazada participou moi activamente co personaxe, lembrando tamén ás obras infatís de Carlos Casares.

O día 25 de outubro, Nita presentou a “CIENCIA DIVERTIDA” na Biblioteca de O Froxel “Francisco A. Vidal” de Arteixo, facendo misturas con cousas caseiras contando coa participación entusiasta dos nenos que disfrutaron descubrindo a ciencia e os relatos.

O DÍA 18 DE OUTUBRO DE 2016 NA BIBLIOTECA DE O FROXEL “Francisco A. Vidal” – ARTEIXO.

O GAITEIRO CABEZUDO e as nais dos más cativos como percusionistas estelares, ofreceron de xeito divertido, un concerto didáctico de música tradicional coa participación do resto do público.

Tamén mostraron as características da gaita galega e dos instrumentos que a acompañaban.

Os nenos participaron tocando instrumentos, aturuxando, cantando e bailando pezas populares moi coñecidas.

O día 11 de outubro do 2016.

RAQUEL QUEIZÁS “CONTOS NADOS DO MAR” na Biblioteca de O Froxel.

Baixo a temática do mar, Raquel fixonos navegar polas augas máxicas dos contos. Os nenos participaron animadamente coa  interpretación narrativa e divertíronse coa imaxinación dos máis cativos.

Divermaxia na Biblioteca de O Froxel. O MAGO PACO contounos varios contos, facendo trucos de maxia e fixo participar os cativos na interpretación dos personaxes. Os nenos pasaron un rato moi divertido coas interpretacións cheas de maxia e humor.

l

O día 27 de outubro, recibimos na Biblioteca de O Froxel “Francisco A. Vidal”, a Fran Alonso coa súa obra “Poetízate”. Poesía que conecta a propia realidade con pequenas doses de fantasía, sobre temas de amor, natureza, sobre Galicia, sobre a terra, sobre a saudade, que gustou moito os nenos e os pais, amosando que é un xénero moi entretido e que transmite moitos sentimentos.

O día 20 de outubro, tivemos a honra de presentar na Biblioteca de O Froxel “Francisco A. Vidal”, o contacontos ‘Lobo bobo’ de Elefante Elegante que mistura, os contos de sempre para crear unha nova historia na que conviven o cómico e o poético co teatro xestual e a música, onde as marionetas cobran vida á medida que se narran as novas aventuras dos personaxes dos clásicos infantís. O público gozou moito co espectáculo.

O día 6 de outubro, chegaron á nosa Biblioteca,  dous investigadores mariños,  Tero e Lucho, da compañía “Os Quinquilláns”, que  deleitaron ó público contando ás distintas hipóteses para dar explicación á orixe do sal na auga do mar. Tras representar o espectáculo, os dous tripulantes organizaron unha expedición aos fondos mariños levándose consigo ó público, onde descubrimos unhas fantásticas e luminosas especies mariñas.

O día 21 de outubro Títeres Cachirulo representou O Libro da Selva, un espectáculo de títeres ao que asistiron 40 crianzas e 12 persoas adultas.

Dunha maneira amena e divertida, Mowgli e os diferentes personaxes que o acompañan, levaron a nosa Biblioteca ás espesuras da selva onde se viviron, durante 55 minutos, emocionantes aventuras que remataron con éxito para os protagonistas.