O día 27 de outubro, recibimos na Biblioteca de O Froxel “Francisco A. Vidal”, a Fran Alonso coa súa obra “Poetízate”. Poesía que conecta a propia realidade con pequenas doses de fantasía, sobre temas de amor, natureza, sobre Galicia, sobre a terra, sobre a saudade, que gustou moito os nenos e os pais, amosando que é un xénero moi entretido e que transmite moitos sentimentos.

O día 20 de outubro, tivemos a honra de presentar na Biblioteca de O Froxel “Francisco A. Vidal”, o contacontos ‘Lobo bobo’ de Elefante Elegante que mistura, os contos de sempre para crear unha nova historia na que conviven o cómico e o poético co teatro xestual e a música, onde as marionetas cobran vida á medida que se narran as novas aventuras dos personaxes dos clásicos infantís. O público gozou moito co espectáculo.

O día 6 de outubro, chegaron á nosa Biblioteca,  dous investigadores mariños,  Tero e Lucho, da compañía “Os Quinquilláns”, que  deleitaron ó público contando ás distintas hipóteses para dar explicación á orixe do sal na auga do mar. Tras representar o espectáculo, os dous tripulantes organizaron unha expedición aos fondos mariños levándose consigo ó público, onde descubrimos unhas fantásticas e luminosas especies mariñas.

O día 21 de outubro Títeres Cachirulo representou O Libro da Selva, un espectáculo de títeres ao que asistiron 40 crianzas e 12 persoas adultas.

Dunha maneira amena e divertida, Mowgli e os diferentes personaxes que o acompañan, levaron a nosa Biblioteca ás espesuras da selva onde se viviron, durante 55 minutos, emocionantes aventuras que remataron con éxito para os protagonistas.

O día 14 de outubro, o público asistente á actividade (48 crianzas e 20 persoas adultas) viaxou a través de diversos contos á selva africana e ao bosque máis próximo, todo acompañado por cancións divertidas nas que a participación foi moi activa durante os 50 minutos de duración.

O día 8 de outubro, durante case unha hora, Pinga Teatro engaiolou ás crianzas de 4 a 11 anos. Ao principio con contos de bruxas e apócemas, crocodilos namorados e a paticipación tanto do público infantil como adulto. Con guitarras incribles e cancións divertidas tivemos unha variada  sesión de contacontos.

O día 7  de outubro tivo lugar este obradoiro de 100 minutos de duración dirixido á infancia de 4 a 11 anos. coa intervención de dous integrantes de Maumarela.

Constou de dúas fases, na primeira fíxose a proxección de imaxes do proceso de fosilización dos dinosauros, acompañadas de explicacións axeitadas ao tramo de idade dos participantes, na segunda as crianzas fixeron cadanseu fósil para levar á casa. Utilizouse plastilina, xeso, area e auga, así como figuras de dinosauros que entusiasmaron á rapazada.

Unha actividade  realmente interesante e moi ilustrativa.

O mércores 1 de outubro, ás 18:50 h, Santi Prego trouxo á Biblioteca de O Froxel “Franciso A. Vidal” de Arteixo, moitos e divertidos contos e cantos acompañado polos seus monecos, facendo participar activamente ós nenos que viaxaron coa imaxinación a mundos fantásticos.

O día 8 de outubro Larraitz entretivo á infancia con dous contos moi axeitados para a súa idade, como un deles falaba de fabas máxicas, ao final cada participante levou unha faba para plantar cando sexa o tempo.

Yolanda Castaño visitounos o día 1 de outubro, durante case unha hora entretivo ao público coas súas obras “Verdedades” e “Punver”, logrando que os nenos participasen activamente cos seus comentarios. Ao remate foron levadas en préstamo polos usuarios, así como outros libros da autora.