Neste obradoiro (dirixido por Electra Menéndez) as crianzas participantes, inspirándose nos ovos de conto que a galiña Rosiña ten no galiñeiro, crean un conto oral e, ao mesmo tempo, fan os personaxes cun material que ten como base a fariña.
Neste obradoiro as crianzas, dirixidas pola ilustradora Minia Regos (Gargallando), crearon cadanseu libro ilustrado. Para iso utilizaron diversos tipos de materiais e plasmaron en papel, de maneira divertida, o que imaxinaron.
O día 17 de outubro o público asistente viviu 75 minutos de diversión total con esta actividade que, tendo como fío condutor a maxia, mesturou contos e xogos variados nos que as crianzas tiveron unha alta participación.
O día 4 de outubro e durante unha hora, o público asistente cantou, bailou, xogou e divertiuse cos ditos e cancións populares, axudando a que a literatura oral galega non caia no esquecemento.
O día 26 de outubro Inacio Vilariño cantou e contou historias populares acompañado de instrumentos tradicionais de diferentes lugares como o procedente de Italia con ferreñas ou o reque-reque portugués e o timple canario, entre outros.
O público coreou as súas cancións e divertiuse durante a hora de duración da actividade
PENTAX DIGITAL CAMERA
Xan Perillán preparou a súa viaxe nun escenario colorista acompañado de son. Foi metendo na maleta diferentes obxectos que resultaron ser máxicos. Mentres o seu loro aparecía e desaparecía según o lugar no que estivese, ao tempo que dialogaba con Xan. Todo moi ameno e divertido.
Durante unha hora a maxia, os contos e a imaxinación foron os protagonistas polo que, tanto as crianzas como as persoas adultas, disfrutaron desta divertida actividade.
Polo Correo do Vento na Biblioteca
O venres 9 de outubro, Polo Correo do Vento deleitou ao público con narracións acompañadas de música. Esta actividade rematou cun divertido obradoiro de debuxo.
O venres 25 de setembro, Títeres Cachirulo representou “O Libro da Selva”. Durante unha hora, os monicreques deron vida aos personaxes da obra orixinal de R. Kipling, creando situacións moi divertidas e animadas con música.
Séguenos