Onte aprendemos a historia do libro e a importancia da lectura con Expresión Producións na sesión titulada Contoaventuras na Biblioteca de Lorbé.

Foi un espectáculo moi interesante cheo de contos, música, marionetas e maxia!

O xoves 9 de setembro tivemos a visita de Trécola Teatro na Biblioteca de Lorbé coa sesión O león azul.

As contadoras representaron unha historia moi emotiva sobre o maltrato animal. Durante a narración cantaron, bailaron e  utilizaron marionetas, acompañadas dun escenario e unha vestimenta moi coidados.

Foi unha sesión magnífica que nos tivo a todos moi atentos!

O pasado xoves tivemos a visita de Proyecto Bululú na Biblioteca Xograr Mendiño (Lorbé) coa sesión titulada Contos do revés.

Pasamos unha tarde moi divertida grazas a Alex e Lidia, que nos deixaron formar parte da actuación prestándonos guión e vestimenta.

Onte pasamos unha mañá máxica na biblioteca cá visita da maga Leo Leiño e a súa axundante Cris.

Explicáronos todos os segredos do Camiño de Santiago a través de contos e maxia.

Foi unha sesión boísima, pasámolo xenial!

O xoves 8 de outubro, na biblioteca Xograr Mendiño de Lorbé, tivemos unha visita máxica! Veu Leo Leiño, acompañada da súa axundanta Cris e o seu pequeno amigo Gachas.

Foi unha tarde moi especial na que nos deixaron abraiados cos seus trucos de maxia e non paramos de rir.

Onte veu ata a Biblioteca Pública Xograr Mendiño (Lorbé) o avoiño MeRe Clowns a contarnos lendas da nosa terra dunha maneira moi particular. Foi unha tarde divertidísima, acabamos todos con dor de barriga de tanto rir!

Contacontos titulado Os contos do avó: lendas e historias de Galicia
de Moc Moc MeRe Clown

E como sempre… Demostrando que a cultura é segura! 

O xoves 24 de setembro fíxonos unha visita María Canosa á Biblioteca Xograr Mendiño de Lorbé. A escritora narrou varios dos seus contos, entre eles Matías, un pito de campionato, no que os rapaces tiveron que axudar ao pequeno pitiño a adestrarse para así poder converterse nun “pito de campionato”.

Foi moi divertido!

O xoves 17 de setembro recibimos a visita de Pavís Pavós na Biblioteca Pública Municipal Xograr Mendiño de Lorbé (Oleiros) co contacontos Historias da Marquesa. Trouxeron a maleta máxica da Marquesa chea de contos que narraron e escenificaron, mantendo a todos os nenos e nenas moi atentos.

Pasámolo en grande!

O xoves 10 de outubro viñeron a visitar a  biblioteca  de Lorbé os ratiños de Lonxedetodo e nos falaron de Igualdade entre nenas e nenos e nos contaron a historia de Oliver Button e tamén a do Ratiño Presumido.

Foi moi divertida a posta en escena na que se implicaron pais e nais para escenificar o conto do Ratiño Presumido a xeito de musical con cancións e coreografía incluídas, resultou unha actividade moi dinámica  que encantou a todas e todos os presentes.

O xoves 3 de outubro veu a nosa biblioteca Magín Blanco , quen  logrou que tivésemos unha tarde moi divertida chea de música e contos.

Ademais de contarnos cousas sobre  música,  amigos invisibles, adiviñas e moitas cousas máis, fixo coas súas  cancións  que todo o público tamén cantase e bailase. Moi divertido!