O xoves, 9 de outubro na Biblioteca de Lorbé, descubrimos moitas cousas sobre os fósiles e os dinosarios, gracias a Maumarela, que nos amosou como xorden os fósiles, que son e como é o traballo dos paleontólogos. Todo iso na primeira  parte da actividade, na segunda, a máis divertida, creamos os nosos propios fósiles, dous, un o rematamos na biblio, pero polo outro hai que esperar,  tres días e o romperémolo molde atopando unha sorpresa.

O xoves 25 de setembro moitas nenas e moitos nenos crearon uns personaxes únicos e orixinais, cuns materiais pouco convencionais: leitugas, tomates, cebola, pasta, froitos secos, legumes, cenoria, repolo e moitas outras cousas ricas e sans.

O 9 de outubro, coñeciamos a un xenio, Leonardo Da Vinci, a súa vida, a súa obra , a súa faceta de pintor e os seus inventos. A actividade desenrolouse en dúas partes,  a primeira foi unha pequena charla apoiada en diapositivas, onde se falaba da vida e da obra de Leonardo Da Vinci, presentando a este xenio, e destacando a súa faceta de pintor e inventor.

Unha vez coñecido a este grande xenio da historia, fíxose un obradoiro, onde, partindo dun dos descubrimentos de Leonardo, a luz viaxa en liña recta, cada neno e nena participante, crea a súa pequena cámara escura.

Complementouse a actividade cunha pequena exposición cos fondos sobre Leonardo Da Vinci

  Feita a cámara escura, toca comprobar que funciona.

O 2 de outubro fixemos esta actividade dividida en dúas quendas, de 0 a 3 anos e de 3 a 6, ámbalas dúas parten dun conto sobre un globiño vermello, para comezar a facer experimentos co globiño, a partir de alí e coa axuda de obxectos e materias de uso cotiá, faise ciencia, experiméntase coa física e a química, dende inchar un globo utilizando vinagre e  bicarbonato a crear a nosa propia lámpada de lava.

É una actividade sorprendente, orixinal e divertida, gustou moito.

Complementouse a actividade cunha pequena exposición cos fondos sobre Física, Química, experimentos e inventos.

O pasado mércores, 25 de setembro na Biblioteca Publica Municipal “Xograr Mendiño” de Lorbé-Dexo, Oleiros (A Coruña) realizouse un obradoiro de títeres moi especial e divertido, fixemos títeres coas nosas mans, elas eran as protagonista, as pintamos creando personaxes, cada un o seu, fadas, monstros, dinosaurios, cans, etc. e despois llelos ensinamos aos nosos compañeiros e compañeiras á vez que lles contábamos a súa historia. Para rematar a sesión todos xogamos xuntos cos nosas mans convertidas en títeres.

Complementouse a actividade cunha exposición cos fondos sobre manualidades

O mércores, 5 de xuño, na Biblioteca Pública Municipal “Xograr Mendiño” de Lorbé-Dexo, Oleiros (A Coruña), na que foi a primeira sesión do programa de “Ler conta moito”, actuacou o  Mago Toño da Asociación Cultural Oficios Antigos co espectáculo “Gravidade Cero”. A actividade consistía nunha actuación de maxia con trucos relacionados co mundo da Física (estados, gravidade, forza, aceleración, etc.), onde aparentemente todo saía mal, co fin de que o público crea que viu o “truco”, cando o mago volve a inténtalo, é entón cando a maxia prodúcese. Os nenos e nenas asistentes participaron nos trucos como axudantes do mago, o que agrodou moito a todos,facendo que a actuación fose máis máxica, xa que os pequenos entraban nun mundo alleo a eles.

Espectáculo moi divertido e recomendable.

Para complementar esta actividade fíxose unha pequena exposición cos fondos sobre maxia da biblioteca.