O venres, 26 de setembro, a Biblioteca de Nós encheuse de maxia co espectáculo de Chrystyan Magic.

A actividade levou por título “Na senda da serpe alada” e cautivou a todo o público presente que se amosou moi participativo e con moitas gañas de disfrutar.

Chrystyan Magic fixo gala de simpatía e bo humor, pero sobre todo sorprendeu cos seus trucos e xogos de maxia.

O espectáculo desenvolveuse entre risas, aplausos  e admiracións. Ao remate, como en todas as grandes actuacións, o público pediu máis, polo que Chrystyan Magic, moi amablemente, regalounos un último truco para despedirse.

O venres 11 de outubro de 2013, ás 18’30 hs, desenvolveuse na Biblioteca de Nós unha das actividades do programa “Ler conta moito”.

Nesta ocasión, consistiu nun obradoiro creativo titulado”Títeres nas mans” destinado a nenas e nenos de máis de 4 anos, xa que cada un dos asistentes tivo que debuxar nas súas propias mans un personaxe inventado por eles.

Participaron un total de 24 rapaces : 10 nenos e 14 nenas.

Para finalizar, a monitora animou a algunha/algún voluntaria/o para sair a contar un conto co seu títere na man.

A sesión estivo moi animada e saíron personaxes moi singulares  das mans das/dos asistentes.

O venres 4 de outubro, ás 18’30 horas, desenvolveuse na Bibliteca de Nós unha das actividades do programa Ler conta moito.

Titulada “Abrapalabra”, a sesión consistiu nun espectáculo de maxia no que o mago Carlos Coira fixo alarde da súa maestría cos truco de maxia que deixaron aos asistentes, tanto rapaces como adultos, coas bocas abertas máis dunha vez.

A complicidade creada entre o público e o mago propiciou que a xornada resultase do máis amena e divertida.

64 persoas, das que 36 eran rapaces (15 nenos e 21 nenas) e 28 adultos (11 pais e 17 nais) disfrutaron desta sesión que axudou a dar a coñecer os libros de maxia existentes na biblioteca e facilitou o seu préstamo.

O venres 27 de setembro, ás 18’30 horas, realizouse na Biblioteca de Nós unha das actividades do programa Ler conta moito.

A sesión, titulada “As dúbidas dos animais”, consistiu na narración, por parte da contadora Fátima Fernández, dunha serie de contiños que tiña como protagonistas aos animais xunto coas súas dúbidas, medos, e afán de superación.

52 persoas, das que 31 eran rapaces e 21 adultos, seguiron con atención as animadas narracións, xa que  a contadora, non só se apoiaba nas ilustracións dos contos para facilitar o seguimento da historia, senón que a modulación da súa voz foi impecable durante toda a hora que durou a actividade.

As/Os asistentes participaron activamente e disfrutaron dunha hora de esparcemento e diversión na Biblioteca.