A tarde do venres 22 de setembro tivemos na biblioteca unha sesión máxica con Pedro Bugarín.
E realmente foi unha tarde máxica e moi divertida, na que as nenas e nenos asistentes, e algunha persoa adulta, desfrutaron e participaron dos trucos de maxia con gran espectación.
Este venres, 14 de outubro, visitou a nosa biblioteca carlos Coira (Pinconús Teatro) que viña acompañado do seu bibliotecario favorito, Don Basilio.
Foi unha sesión moi divertida na que houbo historias , papiroflexia, poesía e moita maxia. Ademais Don Basilio recomendou libros moi bos para que nenos e nenas levasen para casa.
Unha excelente maneira de celebrar anticipadamente o Día das Bibliotecas.
O venres 30 de setembro tivemos a sorte de que viñeran a nosa biblioteca Damián e Moisés, compoñentes de Solovoz, que nos contaron a historia de como o Príncipe Lourenzo aprendeu a tocar diferentes instrumentes percorrendo todo o mundo.
Foi un espectáculo que combinou ás mil marabillas a narración oral e a música , e que fixo as delicias de pequenos e maiores, que bailamos, cantamos e sobre todo nos divertimos.
O venres 23 de setembro visitou a nosa biblioteca o mago David Méndez, quen, durante case unha hora, acaparou a atención de todas e todos os asistentes cos seus trucos de maxia e explicacións sobre ilusións ópticas. Cousas que parece que están, pero realmente non son o que parecen, partes do corpo que se multiplican ou desaparecen, obxectos diferentes que visualizamos nunha única ilustración…Nenas e nenos aprenderon que non todo é sempre o que parece.
Foi unha sesión moi interesante e, sobre todo, moi entretida.
O venres 1 de outubro estivo na biblioteca de Nós a Bruxa Maruxa, quen nos contou o que lle custou convencer a súa nai de que ela non valía para bruxa , que quería ser artista.
Foi unha tarde moi divertida na que a Bruxa Maruxa fixo cantar e bailar a todos os asistentes e ao final todas e todos querían ser…artistas!!!
O venres 24 nos visitou na biblioteca de Nós Xoan Curiel, quen nos relatou a historia de como empezara a gustarlle a música e como formou a súa primeira banda, incluso fixo que nenas e nenos se sentiran partícipes dela ao facerlle coros e o acompañamento de percusión.
O pasamos en grande coa música e cancións de Xoán, e puidemos bailar aínda que sen movernos do noso sitio. Foi unha tarde moi musical e divertida!
O venres 17 de setembro, as compoñentes de Trécola Teatro visitaron a biblioteca de Nós e, aderezadas con música e baile, nos contaron moitas historias sobre a igualdade.
Foi unha sesión divertida e moi interesante.
O venres 10 ás 18:30, visitaron a nosa biblioteca Leo Leíño e a súa axudante Cristina, coas que pasamos unha hora de diversión e maxia. Non tivemos nin un instante de aburrimento coas historias que nos contou Leo de como aprendeu maxia por todo o mundo.
O venres día 9 de outubro visitounos Ana Facchini e nos trouxo a súa maleta chea de historias e con elas demostrounos algo que xa sabiamos, que todas e todos somos iguais e podemos facer todo o que nos propoñamos.
Falounos da igualdade de un xeito moi divertido no que no faltaron cancións, baile (sempre sentadas e sentados nas cadeiras) e moitas rimas.
Ana Facchini engaiolounos a tod@s!!!
O venres 2 de outubro estivo na biblioteca de Nós Carmen Domech, quen nos contou historias de ladróns, homes do saco, bruxas e cemiterios aderezados con moito humor, e que, por suposto, fixeron que os nenos e nenas o pasaran de medo.
Séguenos