O venres pasado na biblioteca puidemos crear o noso propio libro. Primeiro repasamos algún libros e álbumes nos que os roles tradicionais home/muller son postos en dúbida. Partindo destas obras, os rapaces e rapazas crearon cada un unha folla dun libro titulado Novas heroinas e heroes facendo unha revisión dos roles de xénero nos personaxes de ficción. Ó rematar cada un levou para a casa a súa copia (e, por suposto, na biblioteca quedamos cunha para o noso fondo )

O venres 13 de setembro recibimos na ALM dos Tilos a Anxo Fariña que contounos a historia de Dulcinea, a nena cabaleira. Mesturando a narración desta historia coa ilustración fixo as delicias da xente que veu desfrutar da narración e máis aquelas que levaron un debuxo de agasallo.

O  venres 26 de outubro recibimos na Biblioteca dos Tilos a visita de Chío Couto con “Contos vivos que fan poesía”! Contando en familia con Antonio García Teijeiro Un proxecto de dinamización Lingüística onde recrean unha historia do autor homenaxeado co Premio Nacional de Literatura Infantil e Xuvenil pola súa obra “Poemar ao Mar”.Vivimos en primeira persoa as aventuras de personaxes de contos e poemas aos que o autor lle da vida xogando a ser poetas.

Para festexar o Día das Bibliotecas recibimos a visita de Juste Kamishibai. A través de personaxes feitos con papel vivimos historias de moitos lugares do mundo. Moi participativo e a xente marchou feliz e encantada.

O xoves 11 de outubro puidemos desfrutar na ALM dos Tilos-Teo da adaptación de Títeres Cachirulo da obra de Valle-Inclán, “A Cabeza do Dragón”. Pensada para público infantil, pero que tamén poden desfrutar as persoas adultas, foi un espectacular despliegue de títeres creados por Carmen Domech, especialmente salientable a pelexa co dragón. Gran éxito de crítica e público e agardando por novas obras.

A cabeza do dragón na ALM Os Tilos

O sábado 22 tivemos na ALM OS Tilos (Teo), como preámbulo ó Día das Bibliotecas a Fran Rei que trouxo a Historia de Brancaflor, á lenda popular da filla do Demo- a partir da versión que Xosé Ramón Mariño Ferro recolleu na súa escolma ‘Contos Marabillosos’. Unha trama chea de probas máxicas, encantamentos, romances e maleficios. Unha fermosa historia de amor entre Brancaflor e Xan á que se opón con decidida firmeza o malvado pai da rapaza. Como non podía ser doutro xeito, a narración vén ilustrada con diversos xogos de maxia, que reforzan a comprensión do conto e, sobre todo, fan máis atractivo o espectáculo.

A Historia de Brancaflor de Fran Rei na ALM Os Tilos (Teo)

O  público foi parte activa desta montaxe e a súa colaboración na mesma foi imprescindíbel para que o amor entre os dous rapaces protagonistas triunfe sobre as continuas dificultades que se lles presentan.

Este sábado 24 de outobro, na ALM de Os Tilos celebramos o Días das Bibliotecas desfrutando dun clásico como “O traxe novo do rei” a cargo de Tarabelos Teatro. Apoiado por monicreques, a xente grande e pequena que abarrotou a biblioteca pasouno en grande con esta divertida adaptación. Dende logo, non poderiamos pensar en mellor maneira de celebrar un día tan sinalado.

Este venres 18 de setembro recibimos na ALM de Os Tilos a unhas repartidoras moi especiais: non traían pizzas, viñan traernos contos como o de Camilo Comilón e unha chea de postres que fixeron as delicias de grandes e pequenos. Contacontos divertido e participativo a cargo de Sarabela Teatro.

Na ALM de Os Tilos recibimos a Eduvía que invitou por medio dun divertido xogo por equipos, os e as participantes  a descubrir a orixe e significado do Día das Letras Galegas, achegándose á obra dos autores e autoras homenaxeados nese día, e en especial ao autor homenaxeado en 2015, Xosé Fernando Filgueira Valverde.

O venres 30 de maio na ALM de Os  Tilos (Teo) estivemos de merenda con Migallas Teatro. Presentáronnos “Merenda con pan de millo”  que é un espectáculo de pequeno baseado no Libro-disco Pan de millo, editado pla Editorial Kalandraka . Nel combinan cancións e narración oral, co proceso de elaboración do pan de millo como fío conductor. Os temas musicales que se interpretan son: “Pinocho”, Pan de millo, O piollo e a pulga “Unha vella tiña un can”, “Que cousa, cousiña é?” e “Miña “Abuela Manuela”. A música está grabada (toca unha banda de pulgas) pero as voces solistas son en directo. Está pensado para público a partir de dous anos. O local estivo a cheo como podedes comprobar e pasámolo en grande.