O pasado venres os máis cativos difrutaron cos contos de chupete de Migallas Teatro, tanto nenos como pais estiveron moi integrados no espectáculo, pasando unhos momentos moi divertidos.
A ratiña presumida foi un dos contos acompañado de música que escoitaron os nenos e nenas, os cales despois tiveron a oportunidade de familiarizarse cos instrumentos musicais.
O pasado martes 24 de maio tivo lugar a actuación de “Libros En-cantados” de Magín Blanco na Biblioteca Municipal de Abegondo. Tanto os nenos e nenas coma os pais asistentes pasaron unha tarde moi entretida chea de contos e cancións.
O pasado venres día 22 de abril, tivo lugar a actuación do Cociñeiro Antón e a pasteleira Tomasa na Biblioteca Municipal de Abegondo. O público asistente estivo moi entretido coa historia de amor do cociñeiro e a pasteleira e para rematar cada neno e nena puido elaborar o seu propio doce con fondant. Tanto nenos como adultos pasaron unha tarde moi divertida.
O domingo día 17 de maio para festexar o Día das Letras Galegas, Migallas Teatro representaron o espectáculo “Merenda con pan de millo”, con narracións e cancións propias e tradicionais.
Os espectadores estiveron moi participativos cantando e bailando, tanto nenos como adultos.
A posta en escena foi sorprendente e cautivadora.
O pasado venres día 15 de maio, para festexar o Día das Letras Galegas o grupo Pavís Pavós estivo en Abegondo co seu espectáculo “Palma, repalma”. Foi unha tarde moi entretida, na que os máis cativos da casa poideron escoitar contos e cancións tradicionais, os cales serviron para interactuar dunha forma moi divertida tanto para os nenos e nenas como para as súas familias.
Para celebrar o Día do Libro o pasado venres 24 de abril tivo lugar a actuación de Pan e auga? Sopas! na Biblioteca Municipal de Abegondo. Foi unha tarde moi entretida onde houbo dúas partes diferenciadas que fixeron as delicias dos nenos e nenas asistentes. Unha primeira parte onde se contaron historias do avó Casiano mesturando cantigas populares, e na segunda parte fíxose un obradoiro de cociña creativa que agradou moito tanto a rapaces coma os pais e nais que alí se atopaban.
Actividade moi entretida onde os nenos e nenas estiveron moi participativos e pasaron unha hora moi amena
O pasado venres día 9 de maio tivo lugar a actuación “Aventuras na cociña” da compañía de teatro Trinke Trinke. Foi unha tarde moi divertida para os máis pequenos na que escoitaron entretidas historias ó tempo que aprenderon a facer sinxelos pratos con froitas e verduras. Tanto lles chamaban a atención que os querían probar polo decorativos e chamativos que eran.
O pasado 24 de abril en Abegondo, co agallo da celebración do Día Internacional do Libro, ademais de repartir exemplares entre os veciños que visitaron as nosas bibliotecas tivemos unha actuación de luxo: As Aventuras de Quebranoces. Os pequenos e pequenas descubriron toda unha viaxe polo mundo da música, acompañada de música en directo, proxección de diapositivas e títeres. Ao remate, os nenos e as nenas despediron a actuación bailando un precioso vals. Gustounos moito e queremos repetir!!
O pasado venres, 30 de agosto, os rapaces de Abegondo tiveron unha divertida sesión de contacontos, na que estiveron moi participativos e o pasaron moi ben.
Séguenos