O mércores 18 de setembro máis de 50 persoas entre grandes e cativos gozamos dun estupendo espectáculo da man de Manuel Solla no que escoitamos contos, cantamos cancións, xogamos a imitar aos animais e ata vimos maxia. Unha estupenda tarde!
O pasado xoves os rapaces e rapazas que se achegaron á biblioteca de Bertamiráns participaron dunha sesión ben interesante. Da man de Ana Hermida e de contos coma Artur e Clementina, Maruxa ou A historia dos bonobos con lentes entre outros.. xogaron, escoitaron, compartiron e refelexionaron sobre a igualdade entre xéneros.
Na foto podedes ver unha das grandes historias que crearon os nenos e nenas que participaron neste obradoiro dirixido por Patricia Núñez e que non deixou indiferente a ningún dos participantes que desfrutaron lendo, escribindo, imaxinando e debuxando.
O pasado luns 5 de agosto rimos, cantamos e bailamos sen parar con Paco Nogueiras! Un gran espectáculo para toda a familia.
O sábado 27, 14 nenos e nenas de Bertamiráns gozaron moito creando fantásticos deseños para as súas mochilas. Un obradoiro divertido e orixinal co que celebramos o Día da Biblioteca.
O pasado martes 18 de setembro inauguramos o novo curso na biblioteca de Bertamiráns e fixémolo da man da Ratiña Lily Grúyere, que encheu a biblioteca coas súas historias sobre un par de avós moi marchosos e unha avoa e unha maceira.. Historias tenras e divertidas que fixeron as delicias das cen persoas que nos acompañaron.
O pasado sábado 26 na biblioteca de Bertamiráns os rapaces que se inscribiron no obradoiro impartido por Minia Regos convertéronse por un ratiño en ilustradores profesionais e traballaron divertidos e animados na creación do seu propio álbum ilustrado. Moi recomendable!
O mércores 23 de maio da man do cociñeiro Antón e a pasteleira Tomasa os nenos e nenas de Bertamiráns viviron unha aloucada aventura cociñeira que rematou cun postre feito con froita bañada en chocolate. Teatro Calavera conseguiu, sen dúbida, que todos pasáramos un bo rato!
O sábado 19 os nenos e nenas de Bertamiráns tiveron ocasión, da man de Xandobela, de coñecer e gozar da obra de María Victoria Moreno. Fixéronse expertos en “Mar Adiante” e mesmo visitaron a illa dos paxaros que escaparon da persecución dos homes da aldea, escoitaron os seus cantos e ata fixeron, entre outras cousas, un barco como o de Miguel, o vello mariñeiro. Un éxito!!
Para despedirnos na última sesión de contacontos deste curso, tivemos a Fátima Férnandez o martes 13 na Biblioteca de Bertamiráns.
Contounos historias tan entretidos como o de “Violín”, “Óculos”, “Pato, coello” e moitas máis. A sesión foimoi entretida e os nen os disfrutaron da música e dos fermosos pop-ups dos contos escollidos.
Séguenos