Magín Blanco trouxo a Camariñas un puñado de libros e cancións infantís.

Ciencia  e máis contos, unha boa combinación para entreter aos máis pequenos. A intérprete consigue cautivar cos seus relatos breves e cos experimentos científicos.

Os de Xanela Ocio déronlle outra volta ao conto e presentáronnos relatos actuais e divertidos cos que é doado identificarse.

Obradoiro que cautivou aos participantes. Estes sentíronse científicos e aprenderon moito sobre electricidade estática, reaccións químicas e libros.

Obradoiro creativo de gran calidade. Os participantes pintan na súa pel personaxes inventadas por eles mesmos e despois realizan unha pequena dramatización.

Leo consigue coa súa maxia que ata os libros boten lume.

Espectáculo moi divertido. A artista sabe como chamar a atención dos máis pequenos/as.

Os rapaces/as participan na execución dos trucos, rinse e están coma hipnotizados todo o tempo que dura a función. Múltiples referencias a lecturas.

O 2 de abril coincidindo co Día do Libro Infantil Manuel Solla estivo en Camariñas co espectáculo Conto Contigo.

Foi unha divertida sesión na que os nenos/as puideron escoitar narracións de princesas e príncipes, interactuar con animaliños, introducirse no mundo da maxia e colaborar como actores/actrices.

A despedida foi moi complicada e Manuel prometeu volver a visitarnos.

Con Sarabela Teatro cociñamos acompañados de música e viaxamos a África.

Sole Felloza guiounos nunha viaxe polo mundo a través de diferentes relatos e bailes.

En Camariñas non puidemos comezar mellor as contadas do verán. Visitounos Fátima Fernández cos seus contos de animais e resolveu tódalas dúbidas posibles.