Os libros da casa tolearon. Cada un tivo unha experiencia e viaxe increíble e cóntannos as súas historias, divertidas, sensibles, emocionantes, fantásticas… Todo iso pudo desfrutarse o 15 de Outubro ás 15h.

Neste obradoiro de ilustración con papel os participantes desfrutaron das súas creacións ao tempo que escoitaban narracións de Carvalho Calero. Debuxaron, recortaron, pegaron e construiron un fermoso teatro cos seus monicreques, baixo a supervisión de Mirari, o 9 de Outubro ás 12:00h.

Por un mundo máis lila, por un mundo mellor, por un mundo máis igualitario e xusto. Contos para persoas adultas sobre a igualdade de dereitos e deberes. Un xeito de reflexionar co sorriso nos beixos e a gargalladas, foi o que trouxo Cris o día 12 de Outubro ás 19:30h. á BPM Xerardo Díaz Fernández.

O sábado 10 de Outubro ás 11:00h. as crianzas puderon desfrutar con este conto e co correspondente obradoiro de manuealidades, elaborando figuras propias con fariña (facendo a masa in situ) e plastilina. Ademáis cada participante ideou un conto que narrou posteriormente.

O sábado 3 de Outubro ás 11:00h., Antía Yáñez levou divertimento á Biblioteca Pública Municipal “Xerardo Díaz Fernández”, conxugando coñecemento e habilidade a través dun xogo de pistas agochadas nas distintas seccións da biblioteca, propiciando que a asistencia sexa moi activa nesta actividade na que se unen pedagoxía e lecer.

O sábado 19 de outubro, tivo lugar na Biblioteca Pública Municipal Xerardo Díaz Fernández de Porto do Son, a actuación do mago Pedro Bugarín, dentro do programa subvencionado pola Xunta de Galicia: actividades de dinamización da lectura que promovan a igualdade entre homes e mulleres e/ou a loita contra a violencia de xénero nas bibliotecas e/ou axencias de lecturas públicas de titularidade municipal.

Unha actividade, sobre a (Igualdade) Maxia de catro a catro”, a que asistiron 22 persoas, é un espectáculo do Mago Pedro Bugarín totalmente renovado e que se caracteriza por ser emocionante, versátil e sempre en clave de humor. Reúne maxia tradicional con xogos 3.0, ilusionando co máis mistico da literatura clásica e o máis moderno das tecnoloxías. Non deixará indiferente a ninguén teña 4 ou 107 anos.  Sendo do agrado dos asistentes.

O sábado 12 de outubro, tivo lugar na Biblioteca Pública Municipal Xerardo Díaz Fernández de Porto do Son, a actuación de Antía Yáñez, presentando a súa obra: “A Reconquista”, dentro do programa subvencionado pola Xunta de Galicia: actividades de dinamización da lectura que promovan a igualdade entre homes e mulleres e/ou a loita contra a violencia de xénero nas bibliotecas e/ou axencias de lecturas públicas de titularidade municipal.

Unha actividade, sobre o libro “A Reconquista” a cargo da súa autora, gañadora ex-aequo do I Premio Fina Casalderrey , que consta de dous contos de igualdade e inclusión, un con protagonistas de nen@s e outro con animais, xunto cun un xogo. onde os nen@s comprenderán que a igualdade non consiste en que os nenos fagan cousas de nenas e viceversa, senón en que todos e todas, gústenos o que nos guste, teñamos cabida no mundo. Sendo do agrado dos asistentes,

O día 13 de outubro os máis pequenos puideron desfrutar con Trécola Teatro na B.P.M. Xerardo Díaz Fernández.

O circo chega á cidade para ledicia de cativos e grandes. Pero nunha das gaiolas hai un león inmensamente triste. Klara decide averiguar qué lle sucede e intentará axudalo…

Este fin de semana xs nenxs de Porto do Son puideron desfrutar da actuación de Pedro Brandariz na B.P.M Xerardo Díaz Fernández de Porto do Son. Esta actuación enmárcase dentro do Programa LER CONTA MOITO.

A actuación foi a cargo de Pedro Brandariz, coa actividade Os Contos do Grúfalo.

Trátase dun espectáculo de narración oral protagonizado por un ratiño que vai atopando diferentes animais no bosque. Todos o queren papar, pero de todos eles consegue salvarse con moita astucia e recurrendo a un ser imaxinario: o Grúfalo. Unha invención da súa cachola que se cadra finalmente non era tal…

As idades recomendas desta actuación foi de 4 a 10 anos