Cristina Collazo amenizou a tarde deste venres día 15, coa súa particular adaptación da obra “Pepa a Loba”. nesta historia na que se mestura a música e a danza, podemos apreciar valores como a amizade e a rebelión feminina, a protagonista da sobradas mostras destes valores.

O público gozou dunha interpretación de moita calidade e o remate houbo unha ronda de preguntas moi interesantes.

Victor Mosqueira e Josito Porto deleitaron ao público infantil cunha peza de teatro chea de humor e inocencia, unha posta en escea que xira en torno ao valor da amizade, o reciclaxe a hixiene e a solidaridade.

   SE AS ÁRBORES FALASEN:

No día de hoxe tivemos a Isa a Moura, mui preto da Biblioteca Municipal, representou “Se as árbores falasen”. Un incendio arrasa con todo o verde no monte, por sorte a fraga non ardeu e alí vive unha nena chamada Flora e ela vae averiguar por que a fraga conseguiu sobrevivir ao lume e o resto do monte non. Historia que mantivo aos nenos mui atentos durante toda a función.

Hoxe na biblioteca Municipal de Alfoz visitounos Marisa Irimia con Poemas e contos con Carvalho Calero. Os nenos disfrutaron con unha achega á poesía do autor homenaxeado este ano polas Letras Galegas. Relatos dinámicos onde poideron participar mollados coa chuvia, coas pitas….en definitiva participar e festexar o Día da Biblioteca e das Letras Galegas.

“Maxia de aquí e de acolá” é o resultado dunha mestura entre máxia, comedia e improvisación, onde a participación do público está presente en todo momento. Unha escenificación versátil e áxil que transmite  habilidade e enxeño usando elementos cotiáns  como una corda, una mesa…elementos que poden emerxer da nada, esvaecerse ou trocar de apariencia.

Hoxe, 18 de setembro, tivo lugar a actuación de Pakolas” Ti debuxas eu c@nto” coa colaboración de Laura Romero. Pakolas encandilou aos nenos/as que asistiron con cancións de rock que falaban de persoaxes dos seus libros ( Gramola Gominola, Ramona Orbita..) ao tempo que Laura oa ía debuxando ao lado del.

Foi moi entretido xa que os rapaces se implicaron moito, ao mesmo tempo fixo moitas alusións a importancia das bibliotecas.

O pasado 25 de outubro, tivo lugar no salón de actos da casa da cultura de Alfoz, una actividade de igualdade e violencia de xénero a cargo de Charo Pita, onde se deu protagonismo ás mulleres de toda condición e idade a través de contos e cancións, con estes contos os nenos veron que non ten que haber barreiras na sociedade.  Tódolos asistentes disfrutaron moito.

Os nenos/as que asistiron ao obradoiro creativo de fios e papel levado a cabo por “Teatro Marionetas Trécola” deron renda solta a súa creatividade para realizar a súa propia marioneta articulada.

O pasado mércores  31 de setembro tivo lugar na Biblioteca Municipal de Alfoz unha sesión de contos para os nenos da escola infantil na que se integraron a música en directo, contos infantís e expresión dramática. Unha tarde preciosa na que os nenos e nenas de 0 a 3 anos disfrutaron na compaña das súas familias desta actividade.

A Biblioteca Municipal de Alfoz recibiu o venres 26 de outubro a Marisa Irimia, que nos descubriu a emocionante historia de A biblioteca secreta. Narración oral que nos achega a dureza da guerra de Siria, máis tamén a esperanza das boas accións.