O pasado venres 20 de Agosto, ás 20h, na Rúa Irmáns La Salle (ao carón da Biblioteca – Salón de Actos), tivemos o espectáculo de contos e viaxe coa imaxinación con Sarabela Teatro, “Isto non é só unha caixa”.
Gran número de participantes acudiron á chamada da Biblioteca do Concello de Verín.
O pasado venres 13 de Agosto disfrutamos con EXTRA! de Paco Nogueiras.
Unha gran actividade cun público entregado.
O pasado venres día 6 de Agosto tivemos o pracer de ter connosco a Raquel Queizás realizando a contada “Dámoslle volta ao conto: Contos pola igualdade”, ao carón da Biblioteca de Verín, na rúa Irmáns La Salle. Máis de 50 asistentes asistiron atentos á contada.
Os Venres de Conto, son un Conxunto de actividades enmarcadas dentro do Programa LER CONTA MOITO da Xunta de Galicia e organizado pola Biblioteca Municipal do Concello de Verín.
Raquel Queizás conectou cun público por medio das nosas lendas tradicionais que lles achegan ao mundo rural e antigo. As rapazas e os rapaces, descubriron á maioría un modo de vida descoñecido.
O pasado domingo día 6 de agosto nas Piscinas descubertas Municipais da Granxa, Iria Piñeiro presentou ás 18.00h, unha actividade de dinamización musical, teatro e danza no servizo da Biblio-Piscina, dependente da Biblioteca Pública Municipal do Concello de Verín.
Este proxecto vai dirixido a rapaces de entre 3 e 8 anos, e está recollido dentro do 
programa “LER CONTA MOITO” organizado por a Biblioteca Municipal do Concello de Verín en colaboración coa Secretaría Xeral de Cultura da Consellería de Cultura, educación e Ordenación Universitaria.
Un percorrido magníficamente plasmado por Xosé Carlos Caneiro, na persoa de Carlos Casares e a súa obra, con pinceladas dos vínculos e vivencias que tiveron.
Conferencia realizada o pasado 16 de maio ás 19:30h. na Biblioteca do Concello de Verín
Podes ver a conferencia no noso canal de YouTube:
Un ano máis Raquel Queizás, a nosa contadora de contos máis famosa, voltou ás piscinas de Verín, dentro do programa Ler Conta Moito da Secretaría Xeral de Cultura, da Consellería de Cultura, Educación e Ordenación Universitaria, a través da Rede de Bibliotecas Públicas de Galicia, en colaboración coa Biblioteca do Concello de Verín.
A actividade levouse a cabo nas Piscinas Municipais do Concello de Verín, (Bibliopiscina), ás 18:00 horas, do pasado domingo 14, para nenos/as de 3 a 12 anos.
Mariña. Contos nados no mar
Mariña foi unha serea galega que viviu entre nós hai moitos anos. Ao seu fillo contáballe lendas e mitos dos seres mariños que poboaban os fondos do mar. Agora comparte con nós todas as súas historias con nós e traenos unha mensaxe moi urxente de parte do océano, que o coidemos que non esquezamos que nas súas augas naceu a vida.
Viravolta Títeres, da man de Anxo García Fernández, trouxonos o espectáculo, o 7 de Agosto, dentro do programa Ler Conta Moito da Secretaría Xeral de Cultura, da Consellería de Cultura, Educación e Ordenación Universitaria, a través da Rede de Bibliotecas Públicas de Galicia, en colaboración coa Biblioteca do Concello de Verín.
A ac
tividade levouse a cabo nas Piscinas Municipais do Concello de Verín, (Bibliopiscina), ás 18:00 horas, para nenos/as de 3 a 12 anos.
“Cocer e cantar”:
Dous músicos metidos a cociñeiros … deciden facer unha sopa de cocido solidaria para repartir entre o público. Un pequeno erro de interpretación na receita provoca que o resultado sexa unha riquísima sopa de música, cantigas e contos.
Organiza: Biblioteca do Concello de Verín.
Máis info: www.bibliotecadeverin.es
O venres 20 de maio, dentro das actividades adicadas as letras galegas da Biblioteca de Verín, tivemos a Sarabela Teatro: “Nola e María na Terra Cha”.
Máis de 40 nenos e nenas desfrutaron deste magnífico viaxe pola Terra Cha, terra de Manuel María.
Máis imaxes da actividade na nosa web: www.bibliotecadeverin.es ou nas nosas redes sociais.
Nesta singular actividade, os nenos/as percorrerán un itinerario destinado a descubrir recunchos da nosa vila (Praza Maior, Praza do Cigarrón, a rúa do Pozo, e a Praza da Mercé) e gozar con fermosos versos de poetas galegas. A maiores, os/as participantes tamén gozarán dun xogo no que un gran dado decidirá o que imos escoitar! Rosalía? Filomena? Avelina? Berta? Antía? …
“Entre rúas e versos”, está destinadas a un máximo de 50 socios/as, de entre 3 a 9 anos, e trátase dunha actividade moi peculiar na que os nenos/as seguirán un itinerario poético cultural no que se le camiñando.
Os/as pais/nais interesados nestas actividade teñen a súa disposición máis información na web da biblioteca: www.bibliotecadeverin.es e no facebook da mesma.
Séguenos