O pasado venres tivemos un contacontos sensorial a cargo de Eduvia Xestión, Cultura e Lecer. Un grupo de nenos entre 1 e 2 anos acompañados dun adulto cantaron, tocaron e manipularon todo tipo de obxectos facendo da súa primeira visita á biblioteca toda unha festa.
O pasado venres Pakolas visitou a biblioteca municipal de Caldas de Reis co seu espectáculo Ecoralia, a lambona ecolóxica. Unha tarde onde os rapaces, entre cancións e contos, pasárono en grande e aprenderon a ser un pouco máis respetuosos co medio ambiente. Unha tarde de festa na biblioteca!
Dani Blanco estivo o pasado venres 9 de maio noutra das actividades de “Rebumbio na biblioteca”. Contos aderezados con xogos malabares, música e equilibrismo fixeron que pasáramos, tanto grandes como pequenos, unha tarde moi divertida na biblioteca municipal de Caldas de Reis.
O venres 14 de xuño Marta Ortiz visitounos coa súa sesión de contos para os máis pequenos “Casa, casiña, casona”. Un grupo de dezasete nenos e nenas de 1 a 3 anos acompañados dun adulto gozaron coas cancións, arrolos, poemas e xogo deste espectáculo diseñado para a primeira infancia.
O pasado venres un grupo de nenos e nenas pasaron unha tarde moi entretida escoitando o conto de “Maruxa” e poñéndose máns á obra facendo masa para darlle forma aos personaxes do conto así como recreando escenas da historia.
Un grupo de rapaces achegáronse á figura de Luisa Villalta grazas a este obradoiro de ilustración a cargo de Sheila García Prado, da compañía Costa Oeste que tivo lugar o pasado venres na biblioteca pública municipal de Caldas de Reis. Os nenos e nenas tras coñecer un pouco máis sobre a vida e obra da autora elaboraron os seus cadernos usando a técnica do Zentangle. Unha tarde amena na que aprendemos un pouquiño máis sobre a homenaxeada este ano polo Días das Letras Galegas.
O pasado venres 26 de abril visitounos Fran Campos da compañía Bandullo azul. Veu cun amigo, o gato Fazulas, que pasou parte da tarde intentando atrapar ao ladrón de paraugas e para o que precisou moita axuda, sobre todo dos nenos e nenas que estaban na biblioteca de Caldas de Reis. Risas e música nunha semana moi especial, a do Día do Libro. Grazas aos dous pola visita!
O pasado venres visitou a biblioteca Charo Pita cunha actividade para os máis pequenos “Porco porquiño, ensíname o camiño”.
Rimas, cantos e contos encheron a biblioteca de sorrisos e festa.
O venres 2 de xuño visitounos o Mago Paco co seu espectáculo “Unha maxia diferente” onde a través de distintas historias e xogos traballáronse as diferencias como un punto de unión no que vernos reflexados.
O pasado venres 19 de maio visitou a biblioteca municipal a compañía Trémola Teatro. Un grupo de nenos e nenas acompañados dos seus pais gozaron coa actividade de contacontos “A gran aventura dos animais”. Acompañamos a Emilia nunha viaxe diferente e divertida con música e baile. Unha tarde movida na biblioteca!
Séguenos