O pasado 25 de Outubro tivemos na Biblioteca de Darbo una visita moi especial. Carballo con Botas chegou montado na Titiricleta acompañado dos seus monicreque solidarios. Desfrutamos moito das  historias que nos trouxeron dende distintos lugares do mundo.

O mércores 7 de Xuño Luís Vallecillo visitounos co seu espectáculo Cantamos un conto?. Cancións pegadizas e con moito ritmo que engaiolaron ó público dende o primeiro momento. Xan sen medo, Os tres porquiños ou A galiña azul foron algúns dos temas interpretados. Nenos e maiores pasamos un rato moi divertido entre contos e música.

Juste Kamishibai visitounos para celebrar en Darbo o Día das Letras Galegas. Foi un espectáculo moi ameno e didáctico co que aprendemos esta técnica xaponesa.

O pasado mércores, día 19, Raquel Queizás visitounos co seu espectáculo ” Mariña, contos nacidos no mar”. Unha contada moi amena e participativa na que coñecemos, entre outras historias, a lenda de Mariña, a serea da Illa de Sálvora. Así celebramos o Día do Libro na Biblioteca de Darbo.

 O pasado Xoves, 20 de outubro, Atenea de Xarope Tulú visitounos co seu espectáculo “A falta de pan, bos son contos”. Contounos entre outros: Sopa de rato, A figueira de Pelostortos, Sal e azucre… cunha moi boa interpretación dos distintos personaxes e unha gran dose de humor. Entre conto e conto houbo tamén algunha que outra adiviña. Nenos e maiores desfrutamos moito da actuación.

Onte o Mago Paco achegouse a Darbo e fíxonos pasar unha tarde moi divertida, chea de maxia, xogos, libros e moito humor. Cativos e maiores desfrutaron co espectáculo.

O pasado xoves, 12 de maio, tivemos na Biblioteca de Darbo o espectáculo “Mans” de Pablísimo. Tratouse dunha contada moi amena na que as mans foron as protagonistas. Nenos e maiores quedaron encantados co espectáculo. 100% recomendable!

O pasado mércores, 20 de maio, celebramos o Día do Libro con Animar-t na Biblioteca de Darbo. O público quedou marabillado coas historias e as cancións de Miguel Strada.

     O pasado 22 de Outubro desfrutamos dos Libros en-cantados de Magín Blanco na Biblioteca de Darbo. Unha tarde especial entre libros e cancións  na que desfrutamos moitísimo.

    O pasado mércores, día 30 de setembro, tivemos na Biblioteca de Darbo (Cangas) unha visita moi especial. Catalina Lino Lina, co seu libro xigante, chegou á nosa biblio con algúns amigos e un montón de historias divertidas que fixeron pasar un moi bo rato a maiores e pequenos.