O venres 31 de outubro, día de celebración do Samaín, a rapazada de Catoira tivo a oportunidade de coñecer a Pepa a Loba e as súas incribles aventuras.

Unha divertida sesión de narración oral, monicreques e música da man da actriz Cris Collazo.

O Mago Richard estivo o na Biblioteca de Catoira o 28 de setembro para sorprendernos cun espectáculo cheo de experimentos e ilusións. Un espectáculo de divulgación e entretemento que gustou moito ao público.

A biblioteca de Catoira recibiu o domingo 21 de setembro a visita de Pablísimo, que fixo voar a imaxinación do público con historias saídas dos obxectos que portaba na súa bicicleta.

Este domingo visitounos na BPM de Catoira Sabela, da compañía Sarabela Teatro, para contarnos a historia “O lapis de Martín”. Con esta narración, e da man de Martiña e Martín, a rapazada puido aprender a escapar do aburrimento con estratexias sinxelas e que permiten espertar a imaxinación e a creatividade.

Este domingo, 30 de setembro, tivemos a sorte de gozar do espectáculo “O que levamos nas maletas”, de Magín Blanco. Coas súas historias e cancións, rapazas/ces e maiores apredemos a recoñecernos nos camiños que facemos ao longo da vida.

O “Pequeno Cabaret Infantil” de Nelson Quinteiro chegou a Catoira o pasado sábado 3 de agosto. A calor acumulada na biblioteca obrigounos a sacar o espectáculo á rúa, ao que se sumaron pequenas/os e maiores, que gozaron dun divertido show que combina a narración oral coa música e o humor.

Este domingo, 22 de outubro, a pirata Aba, da compañía Trémola Teatro, visitou o auditorio de Catoira para contar as aventuras que viviu nas súas longas viaxes a bordo dun barco pirata. Aventuras de pantasmas e monstros que sorprenderon a cativas/os e maiores.

Este domingo 8 de outubro tivemos a sorte de aprender a esculpir fantásticas obras de arte coa axuda de Electra, de Pedras de Papel. Baseándonos nunha técnica tradicional e sostible, e botando man da imaxinación, podemos convertir refugallos de cartón e papel en fermosos obxectos, personaxes ou figuras abstractas. Un obradoiro do máis recomendable.

Este domingo 24 de setembro tivemos a gran sorte de cantar e bailar no “Conssertaso na Horta” que Brais das Hortas deu na biblioteca municipal de Catoira. Un espectáculo cheo de música, de reivindicación da nosa cultura, e con moitísimo humor.