Bego Bras estivo o día 14 de setembro na biblioteca cun contacontos sobre igualdade e diversidade no que participaron nenas, nenos e familias. A continuación, os asistentes desfrutaron do mini obradoiro teatral “Como se ergue un neno pola mañán. E unha nena?”

Sabela é, en aparencia, unha nena coma outra calquera: chea de soños, valente, aventureira, alegre. Pero ao afondar na súa historia descubrimos que hai moi pouco tempo que se chama así, antes era Daniel. Por medio de contos, cancións, teatro e divertidas sorpresas, consigue  dun xeito moi acertado a concienciación da identidade e igualdade de xénero, así como poñer en valor a dignidade  de todas as persoas.

A Guarda celebrou o Día da Biblioteca o sábado 27 de outubro con Nelson Quinteiro e o seu espectáculo “Pequeno Cabaret Infantil”. Pedrito Mendrugo e a súa pulga Jacinta Florette fixeron as delicias dos nenos, nenas e adultos mediante  contos populares presentados dende un punto de vista máis cómico e actual mesturado coa música, baile e cancións.
Unha actividade moi lúdica e divertida que favorece a participación dos asistentes.

Payaso Piruleta@Cía. achegaron a poesía de Gloria Fuertes coa biblioteca máxica de Don Renato nunha actuación de teatro, música, maxia, circo, malabares, e baile que conquistaron aos nenos, nenas e familias.

O sábado, 17 de xuño, contamos coa compañía BocAberta e o seu espectáculo “Carmiña Miudiña, a pinga que quería ser científica”, interpretado por Carla Capeáns.
Carmiña é unha pinga de auga moi miudiña. Ela de maior quere ser científica, como a súa avoa Filiberta. O día do seu aniversario, a súa avoa agasállalle un paracaídas para poder baixar ao mundo dos humanos. No camiño, diferentes elementos da natureza fan que percorra o ciclo da auga.
Unha actividade con música, teatro e danza na que os asistentes participaron con entusiasmo acompañando a viaxe de Carmiña.
Pasámolo xenial!!!

O sábado 20 de maio, na Biblioteca Pública Municipal da Guarda contamos con  Pablo Díaz e o  seu espectáculo “Cantacontos para bebés”.  Foi unha viaxe a través dos contos coa música como fío conductor. Pequenos e maiores participaron nunha sesión chea de fantasía e ilusión. Pasámolo xenial!!!

Os contos

A frauta

A guitarra e dous ratiños atraídos pola música

Pequenos e maiores moi atentos

Queremos máis!!

O sábado 22 de abril, na Biblioteca Pública Municipal da Guarda celebramos o Día do Libro con Juan Juste  e o seu espectáculo “As historias do Kamishibai” (Teatro de Papel).
Todos disfrutamos das historias do Kamishibai, da técnica de pergamiño ilustrado (emaki), do teatro de sombras e divertidas sopresas.

Asistiron 26 persoas que quedaron encantadas coa actuación e participaron con entusiasmo.