Este xoves, día 08 de maio, as nenas e nenos de ponteareas puideron gozar dun contacontos, titulado “Contos ao revés”, que gustou moitísimo

Os nenos da Biblioteca Pública Municipal de Ponteareas pasárono fenomenal con “Contos para todos”

Esta actividade, que xiraba arredor dun relato oral dun conto, contaba coa axuda da maxia e os títeres para engailar a todos os nenos presentes, que quedaron abraiados coa aparición nun libro en branco, dos debuxos e as historias. Nesta actividade, que tivo lugar o día 30 de maio,  participaron máis de 25 nenos.

O día 23 de maio, os nenos e nenas de Ponteareas puideron gozar dunha nova sesión de contacontos, titulada  “Violeta, a carteira bolboreta”, dentro das actividades de animación á lectura programadas pola Biblioteca Pública Municipal de Ponteareas, e dentro do programa LER CONTA MOITO, da Consellería de Cultura, Educación e Ordenación Universitaria, para as Bibliotecas pertencentes á Rede de Bibliotecas de Galicia.

A actividade “Violeta a carteira bolboreta” consistiu nunha exposición oral dun conto e, ao mesmo tempo, o ilustrador ía debuxando un mural sobre o conto e os protagonistas. Ao final os nenos aprenderon a facer o debuxo dun personaxe do conto. Asistiron aproximadamente 30 nenos, con algúns pais e nais, que o pasaron fenomenal.

O día 10 de maio, dentro das actividades do “Mes de Maio, Mes das Letras”, e dentro do programa Ler Conta Moito, os ponteareáns e ponteareás tiveron puideron coñecer un pouco máis a vida e obra da figura homenaxeada co Día das Letras Galegas, ano 2013.

A este acto foran convidados pola Biblioteca Pública Municipal,  e polo  Servizo de Normalización Lingüística, todos os asistentes á biblioteca e todas as persoas relacionadas co mundo da cultura. Consistiu este evento nunha escenificación dun dos cadros de “Saxo tenor”, de Roberto Vidal, a cargo da actriz Laura Ponte, impulsora xunto con el, da primeira compañía profesional do teatro galego, Teatro Antroido, e compañeira de viaxe no aspecto persoal e profesional.

A continuación da escenificación, Roi Vidal, fillo do homenaxeado e de Laura Ponte, achegoulle ao público asistente a figura de Vidal Bolaño dun xeito vivencial e profesional, descubrindo  un traballador incansable pola cultura, pola sociedade e pola lingua.

O acto contou coa presenza de aproximadamente cen persoas, que quedaron marabillados coa representación e que se achegaron a Vidal Bolaño dun xeito moi ameno e no que houbo unha constante interrelación co público asistente, algúns deles coñecedores persoais do homenaxeado.

O xoves , día 9 de maio, dentro do programa de animación á lectura LER CONTA MOITO, programado pola Consellería de Cultura, Educación e Ordenación Universitaria, os nenos de Ponteareas, así como os pais que quixeron, puideron gozar dun contacontos, titulado  “Animaliños”,  no que  os nenos aprenderon a respectar o medio que nos rodea e a somerxerse nos contos tradicionais de animais. Así mesmo, os nenos que asistiron, aproximadamente 25, puideron ver e escoller da biblioteca infantil algún libro que lles interesase sobre animais ou outros temas.