Este venres, un grupo afortunado de xóvenes usuarios da Biblioteca Municipal de Vilagarcía de Arousa puideron disfrutar dun obradoiro de máscaras, a cargo da Compañía LaGriotte.
Non só crearon as máscaras, déronlles vida a través da interpretación de personaxes. Toda unha experiencia nova de facer teatro, conectar co corpo e perder a vergoña.
Os Óscar e Goya do futuro!!!
O xoves 14 de agosto, as nenas e nenos do Campamento Urbano de Verán do Concello de Vilagarcía de Arousa asistiron a unha sesión de contacontos a cargo de Soraya Lema (O sol de outono).
A narración oral acompañada da música dun acordeón e de obxectos ben coñecidos marabillaron a todos desde o minuto un.
No día de onte, 30 de xullo, os nenos e nenas do Campamento Urbano de Verán do Concello de Vilagarcía de Arousa puideron disfrutar dunha divertida e participativa sesión de maxia na Biblioteca Municipal Rosalía de Castro. O mago Óscar Fernández, da compañía Magia en la Manga , foi o encargado de presentar e dirixir o espectáculo, despertando a admiración e curiosidade dos asistentes.
Moitos aprendices de maxia saíron ó rematar a sesión, do “encantados” que quedaron co espectáculo!!
As “maletas viaxeiras” fixeron que a imaxinación dos nenos e nenas volara máis ca nunca o pasado 2 de agosto. Estaban tan metidos nas historias que Sabela lles contaba que a seguían sen perder detalle e interactuaban moitísimo con ela. O pasaron moi ben.
“A máquina do tempo” o pasado 26 de xullo trasladou aos asistentes a distintas épocas da nosa historia, aprendendo e pasando un rato moi agradable e divertido.
“A loba Antea” trata de concienciar aos nenos e nenas sobre o coidado da natureza e o medio ambiente. O pasado 21 de xullo, fixo que a súa mensaxe quedase nas mentes dos asistentes ao espectáculo pasando un rato moi agradable e divertido.
Os nenos e nenas que asistiron, na biblioteca de Vilagarcía de Arousa o pasado 14 de xullo, ao espectáculo de animación á lectura “O libro vivo”, disfrutaron moito participando activamente xunto cos artistas.
A actividade realizouse cos nenos e nenas do campamento urbano multiaventura. “O paroleiro” gusta de parolar, enredar, falar e de contar. Conta sucedidos, historias e sobre todo moitos contos que leva na súa memoria, nas súas maletas, nos seus petos e nos seus zapatos.
Os asistentes disfrutaron e participaron cos relatos que tiñan como obxectivo dar a coñecer os contos de transmisión oral, así como os contos máis contemporáneos, empregando recursos como: monicreques, retahilas, cancións, narracións orais, etc.
A narración oral, o medio ambiente, o teatro de sombras, a música e a participación dos nenos e nenas mestúranse nesta actividade, “A pirata María contra o lixo na ría”, á que asistiron os nenos e nenas do campamento urbano medioambiental, disfrutando intensamente.
A actividade desenvolveuse cun grupo de nenos e nenas do campamento de verán. “Conversas con Tana” é un espectáculo teatral, baseado na ventriloquía onde un granxeiro e a súa cadeliña Tana, manteñen unha fluída e divertida conversa acerca de diversas cuestións caninas e humanas, no que se combinan o humor, ensinanza e sensibilidade. O show consta de divertidas cancións.
O público asistente participou intensamente no espectáculo, cantando e interactuando co granxeiro e a súa entrañable cadeliña que conquistou a todos os asistentes.
Séguenos