Filipa (moneco “muppet”) e o seu amigo Fran encheron a sala coas risas dos nenos ao contarnos os contos de Carlos Casares amenizados con música e

cancións que os nenos acompañaron todo o rato. Unha viaxe polos contos tradicionais moi entretida.

Os nenos/as, da man de Irene e dos voluntarios de Solidaridade Internacional de Galicia, achegáronse a cultura doutros países africanos como Senegal ou á maneira na que viven os refuxiados Saharauís en Alxeria, pobos con costumes, falas, paisaxes e vidas completamente distintas ás nosas.

Fátima chegou a Cordeiro cos seus contos revoltos e deu ordenado neles para contarllos aos cativos. Contos cheos de mensaxes: de igualdade, ecoloxistas, para os nenos.

Hoxe en Cordeiro as princesas non quixeron ser princesas, o lobo tívolle medo a Carapuchiña , Tarzana gañou as olimpíadas da selva…Os contos foron contados ao revés.
As contadoras souberon xogar cos contos tradicionais para fomentar a igualdade e o respecto e conseguir a participación dos nenos no seu contacontos.

Os nenos de Cordeiro, Valga, con Minia Regos e durante catro sesións, realizaron un obradoiro onde afondaron nas súas capacidades creativas, dende diferentes actividades relacionadas coa creación da imaxe en movemento a partir da imaxe fixa (coa técnica Stop Motion). Conectamos aos nenos co mundo do cinema, da fotografía, a literatura e as artes plásticas.

A actividade comenzou ca busca, na biblioteca, de libros de contos nos que basear as películas, que foron realizadas con debuxos e plastilina.

Para celebrar o día das Letras Galegas Fátima Fernández veu a contarnos historias, unha onde os galos poñen ovos, logo puxémonos os lentes que fan ver o amor, coñecemos personaxes que querían ser distintos de como eran para ser recoñecidos polos demais. Rimos…cantamos…disfrutamos todos, nenos e adultos.

Hoxe a biblioteca de Cordeiro encheuse de risas, as pertencentes aos libros contentos de Carmen Domech e aos nenos que escoitaban divertidos as súas historias.

Ensinounos libros contentos, cheos de historias fantásticas, animais, flores, auga e libros tristes… preocupados polo seu futuro.

Pavís Pavós chegaron a Cordeiro cargadiños de contos, nos que tratan as diferenzas na sociedade, as desigualdades…
Contos que sen querelo, deixaron pegada nos nenos e nos adultos que os escoitaron.

Con esta actividade, os voluntarios de Solidaridade Internacional, achegaron ós nenos, a cultura de catro países centroamericanos, a través das súas lendas e historias, facéndolle ver as diferenzas como algo positivo e interesante que axude a afianzar o respeto mutuo.

Ca axuda dos nenos e Minia Regos, os personaxes dos contos da nosa biblioteca cobraron vida e transformáronse en personaxes de animación. Os nosos nenos convertéronse en directores, realizadores, creadores e dobradores de cine.