O domingo día 13 ás 18.30 houbo un gran misterio en Cordeiro, o do pirata Benito Soto, de Polo Correo do Vento que o desentrañamos coa axuda de Enrique Mauricio que argallou unha historia de xeito oral, namentres Carlos Taboada debuxou un mural vencellado ao conto. Pasámolo moi ben debuxando ao pirata Benito.

María e o seu compañeiro Antonio fixéronnos pasar unha tarde estupenda cos seus contos, viaxamos ao bosque da man dunha raniña pouco ecolóxica, participamos na investigación dunha toupiña para descubrir quen lle fixera “aquilo” na cabeza, cantamos…bailamos, en fin, fixéronos disfrutar.

A tarde do domingo 22 de setembro visitounos, nas instalacións do Auditorio Municipal ao lado da biblioteca,María Pazque cos seus “Contos do Mundo ” volvemos viaxar, esta vez ao deserto do Sahara.

Da súa man internámonos na xeografía, cultura, costumes e lendas dos seus habitantes, inculcando valores de cooperación, tolerancia e respecto á diversidade entre todos nós.

O día 30 de xuño os contos cobraron vida en Cordeiro, saían dunha maleta…dun sombreiro…cheos de maxia e creando ilusións entre os mais cativos, grazas a Asociación Cultural Os Carballiños.

Valga celebrou o Día do Libro co obradoiro creativo de Expresións Producións: Dende o Punto ó Infinito, taller de expresión corporal e plástica con dramatización de contos, todo iso acompañado de diversión e traballo en equipo.

Na biblioteca os nenos fixeron unha representación cos personaxes creados no obradoiro.

O día 17, o Auditorio de Cordeiro encheuse de ratos cando o Grupo Trinketrinke desembarcou procedente de Lonxedetodo, para falarnos de que alí non existe a exclusión social.

” Somos diferentes, somos iguais”, actividade de promoción á lectura realizada por unha actriz, que nos fixo gozar nunha tarde repleta de contos poesías e cancións.

O día 28 de abril o autor Miro Villar estivo con nós, no Auditorio Municipal ao lado da biblioteca, para facernos unha narración, para primeiros lectores, baseada nas súas obras : Carlota a marmota, A cobiza do verme Noel e Rebelión na charca.

A este contacontos asistiron uns 30 nenos na compaña dos seus pais.