O día 26 de abril o contacontos “A orixe”  de Raquel Queizás foi un éxito.  Os nenos participaron na actividade relacionando sons e bailes cos diferentes continentes.O espacio quedou pequeno para o gran número de  rapaces de diferentes edades que acudiron.

Coa acticvidade Mamá e Papá nos audiolibros. Obradoiro de gravación de audiolibros infantís”,  crearonse espazos de divertimento, lectura e expresión oral e corporal. O próximo día dez de maio crearase na biblioteca un audioconto coa participación de nenos e adultos.

Para rematar coa celebración do “Día do Libro” contamos coa presenza, nas instalacións da Biblioteca Pública de Mos, de Elena Mª Carracedo a cal ofreceunos o obradoiro Marcapáxinas-lupa. Baseado na obra “O Quixote” os nen@s de 6 a 12 anos leron, actuaron e crearon un orixinal marcapáxinas.

Aventuras na cociña a cargo de Trinketrinke Teatro.

Sábado 3 de maio

“Na aldea de Lonxedetodo ónde viven os Ratos de Biblioteca, hai unha ratiña moi vella á que todos chaman Avoa Violeta. A avoa Violeta está enferma, porque a pesar de ser vella leva unha vida moi activa practica artes marciais, mergullo a pulmón libre, corre maratóns, a parte de ser, como é obvio, unha insaciable lectora. Pois ben, a avoa Violeta quedou esgotada e non se move da cama”… Deste xeito dou comezo unha entretida mañá de sábado na que a Gran Lilí Gruyére visitou a Biblioteca municipal do Grove para contarlles aos nenos e nenas como ía acadar a recuperación da ratiña anciá.

Lilí Gruyére, seguindo a máxima clásica, “que os teus alimentos sexan a túa menciña”,  preparou un delicioso e saudable menú cuxos pratos eran “Ensalada de casiñas de ananiños con redución de xoaniña do bosque”,  “Caldeirada de Verduras á moda de Lonxedetodo” e “Festival de postres”.

 Para entreter a todos os asistentes mentres preparaba este exquisito menú, agasallounos co relato de dous fantásticos contos: “Sopa verde” de Ângela Madeira & Till Charlier e “A vasixa no fondo da lagoa” pertencente ao libro “Mil años de cuentos”.

Ao final todos os asistentes cantaron e bailaron ao ritmo da canción de Lonxedetodo e puideron sacarse fotos coa Ratiña Lilí Gruyére. Nenos e adultos pasárono en grande e aprenderon a preparar pratos riquísimos e saudables.

Os contos resultaron interesantes en canto que supoñen unha “renovación” dos contos tradicionais, xa que modificaron e engadiron novos argumentos e personaxes,  ata facelos completamente descoñecidos, o que lles permitiu rachar cos esteriotipos e introducir novos valores, ausentes nos contos tradicionais, especialmente no relativo a outorgarlle maior protagonismo ás mulleres.

Para rematar o mes do libro disfrutamos da representación de Trinketrinke Teatro “Aventuras na cociña”. A partires de contos e cancións  pretende promover hábitos saudables na alimentación. Asistiron os nenos de primeiro ciclo de primaria. a actividade foi reforzada por una exposición e unha guía de lectura dos contos de cociña que poden atopar na biblioteca.

Ler máis →

O día 30 de abril tivemos a Manuel Solla na biblioteca de Covelo representando o contacontos “Conto contigo” para os nenos de 4 a 8 anos do colexio de Covelo. Espéctaculo moi ameno e divertido onde os nenos disfrutaron e participaron co humor e inxenio do autor.

A B.P.M. de Santa Comba realizou os días 22, 23, 24 de maio uns obradoiros infantiles.  O seu obxetivo e conectar aos nen@s  co mundo dos libros, o cine, a fotografía e as artes plásticas, mediante o  “stop-motion”, unha técnica de animación que consiste na creación da imaxe en movemento, a partires da imaxe fixa.

Por 2ª vez tivemos a sorte de contar na biblioteca coa contacontos Sole Felloza. Sole foi mesturando as historias da sua nenez con contos sacados do peto, que gracias as palabras máxicas xunto cos polvos máxicos podía ir recollendo “contos” das mans dos nenos elexidos por ela. Actividade na que a animadora mediante xogos, cantos e libros pop-ups logrou manter a atención e a participación activa de  todolos nenos.
O desenrolo da actividade foi excelente.
Viñeron os nenos da ludoteca municipal, con idades comprendidas entre os tres e os 12 anos

Grandes e pequenos disfrutaron ao longo da mañá con un caldiño moi animado e quente, que fixo as ledicias de todos os asistentes a esta gastronomía literaria.