Rematamos có programa Ler conta moito 2019 na súa categoría de Igualdade e Violencia de Xénero coa visita de Migallas Teatro e o seu contacontos “Elas pintan moito”.

Esta vez disfrutaron as nenas e nenos de 3º, 4º e 5º de educación primaria do CEIP Padre Feijoo de Allariz.

Gozamos dunha sesión de contacontos a partir da obra de diferentes pintoras onde se abordan a cuestión da igualdade entre homes e mulleres en todos os ámbitos da vida. Todo isto acompañado de música, moito humor e dun xeito moi participativo.

Pasámolo moi ben!!

O día 16 de outubro “Polo Correo do Vento” visitou a Biblioteca de Dodro  e agasallounos coa historia ilustrada de Ángeles Alvariño, destacada oceanógrafa galega. Esta actividade supón unha loa á igualdade e as mulleres galegas que co seu traballo melloraron e seguen a mellorar a nosa sociedade. As pequenas e pequenos participantes aprenderon e desfrutaron moito coa mesma. Actuación que logo de pedagóxica resulta fundamentalmente necesaria.

Contacontos moi entretido, onde o público asistente divertiuse á vez que se reflexionaba sobre igualdade. Porque hai príncipas que loitan con dragóns, nos contos e na realidade.

Narración moi amena por parte de Pablo Sánchez, na axencia de lectura de Vilariño (Cambados).

A Pirata Carla e Daniela acompañáronnos, na tarde de onte, para facer desfrutar aos nenos e nenas da axencia de lectura de Castrelo con cinco probas piratas e reflexionando sobre igualdade.

O día 16 veu visitar a nosa biblioteca Cris de Caldas, cargada cunha maleta chea de contos para aprender a ver o mundo un pouco máis lila. Contounos historias que aprendeu da súa avoa con princesas que aprenden a loitar con dragóns o lavandeiras que son moito máis do que a xente pensa.

O martes 15 de outubro, chegou a Biblioteca de O Froxel, “Fco.  A. Vidal”, David Merelas con “Contos do Avó”.

Mere Clown, lembrou de xeito divertido, moitas lendas de Galicia, por exemplo, contou a lenda de galo de Barrañán, que se remonta a tempos prehistóricos. Fala de que un galo entrou na furna de San Xián de Barrañán e, monte arriba, non parou de subir ata que saiu á luz nunha fonte que había nun lugar que, desde entón, se denomina O Galo. Tamén nos falou da Torre de Hércules. Segundo a lenda, o lendario héroe grego veu na busca do xigante Xerión. Para conmemorar a súa vitoria construiu sobre o túmulo, unha torre-faro e nas proximidades deste fundou unha cidade á que lle deu o nome de Crunia, como recordo da primeira muller que habitou este lugar e da cal o héroe se namorou. Os nenos disfrutaron e participaron moito.

Hoxe celebramos no Porriño o obradoiro “Mulleres revolucionarias”, impartido por Taller Abierto.

Destinado a nenas e nenos de entre 6 e 12 anos, tratábase dun obradoiro de creación plástica a partir da semblanza dunha serie de mulleres da historia da arte, a ciencia e a sociedade que tiveron a forza e a valentía para realizar cousas verdadeiramente impresionantes, loitando pola independencia e a igualdade.

As mulleres constitúen a metade da poboación mundial e a historia da humanidade está chea de mulleres que se atreveron a dar o primeiro paso para que os seus iguais sigan avanzado e rompan os esquemas impostos xeración, tras xeración. Neste obradoiro dímoslle vida a quen axudou a ampliar as fronteiras dos dereitos das mulleres, superando as diferenzas de xénero nun contexto nada doado.

Para iso contamos coa participación de decenas de estudantes do CEIP Plurilingüe Antonio Palacios do Porriño, que participaron activamente nesta actividade para romper as fronteiras de xénero.

A axencia de lectura de Oubiña (Cambados) converteuse, onte pola tarde, nunha gran zona pirata. Os nenos e nenas asistentes tuveron que pasar cinco probas para poder convertirse en auténticos/as capitáns piratas ao igual que a protagonista do conto Daniela.

Actividade moi dinámica e reflexiva coa igualdade, onde o público participou e gozou ao 100%, da man da relatora Carla.

O 11 de outubro nenos de 1º de Primaria do CEIP Plurilingüe de Ribadavia asistiron a un contacontos musical e un obradoiro posterior titulado Rosalia. Todos por igual de Tarabelos Teatro dentro do programa de Igualdade e Loita contra a Violencia de Xénero. Asi de ben o pasaron. O mural feito no obradoiro quedou exposto na biblioteca.

Unha super pirata visitou onte a axencia de lectura de Corvillón (Cambados), para encher de aventuras e reflexións sobre igualdade aos pequenos e pequenas piratas asistentes. O tempo pasouse voando!