O gran chef Caxoto animou o mércores 14 de xullo aos pícaros e pícaras do Diververán de Rois, nunha sesión chea de contos, fantasía e música, a través dun menú elaborado con moito xeito. Dous dos ingredientes clave foron a igualdade e o sazón da ruptura de estereotipos de xénero.

Grazas gran chef Caxoto por esta velada única!!

Iria Iglesias e Dani Viéitez ( @estudio gnomo ) presentaron en Sober a súa proposta para una alimentación equilibrada, a través do” Raposo Rufo” e as súas receitas de comida sa e equilibrada. Os creadores involucraron aos nenos e nenas na elaboración de pratos , amosándolles que a cociña pode ser divertida e deliciosa, elaborando receitas que eviten o abuso de azucre e graxas, dándolle importancia aos productos naturais como froitas e verduras.

Obradoiro “Agasállate” de Iria Mejuto, realizado na Biblioteca Municipal de Culleredo, en O Burgo, o mércores 14 de xullo. Rapaces encantados coas ideas prácticas e creativas para obsequiar algo feito por eles mesmos. 

Os rapaces de Portosín pasárono xenial no día de onte grazas á Asociación Lucense de Tempo Libre (A Nube Animación). Grazas por este bo rato!!

O martes 13 de xullo, na Biblioteca Pública Municipal de A Fonsagrada, festexamos o Día Mundial do Rock con Ramona Órbita. Grazas a ela viaxamos á prehistoria a comer churrasco de mamut, visitamos a Leonardo Da Vinci no Renacemento, achegámonos ao Antigo Exipto cun tal Ramsés que lle cheiran os pés e teletransportámonos a un futuro máis ecolóxico.

Os nosos agradecementos a Pakolas por facernos pasar unha tarde tan divertida.

O venres 9 estivo en Covelo a compañía Animar-T, co seu espectáculo “Onde está o vento”. Contacontos musical para os máis cativos, con monicreques e cancións populares.

O pasado venres, a rapazada miúda de Mugardos disfrutou da música en vivo con Xoán Curiel, animándose ademais a participar con él nunha mañá soleada que permitiu realizar a actividade no exterior.

Hoxe as mozas de Celanova tiveron un primeiro contacto co mundo da dobraxe.

Estamos seguros de que o talento amosado nos vai a deparar gratas sorpresas.

Na mañá do xoves  8 de xullo, tivemos dúas visitas moi especiais na Bilioteca. Elisa e Ían e un público excepcional, o colectivo de “Asfaval”.

Maxia de cerca, sobras chinesas, contos… co que nos divertimos todos.