Existosa actuación de Pablísimo co espectáculo de narración oral “Cabicivai” (Ler Conta Moito) dentro da programación das festas patronais 2025.

Venres 29 de agosto as 11 horas, a biblioteca encheuse de maxia coa visita dun contacontos moi especial. A actividade levounos de viaxe á Prehistoria, combinando narración oral con música en directo.

Pakolas con Ecoralia fixo cantar, contar e debuxar a nenas e nenos que gozaron así da súa música.

Maravilloso espectáculo!!

O martes 26 de agosto as 11 horas. Os nenos e nenas disfrutaron dunha contada interactiva onde Noa aprendeu a enfrontarse ao monstro que levamos dentro. A historia abordou a igualdade de xénero e a reafirmación persoal, invitando á reflexión a través do xogo e das emocións.

Este venres 22, Carmen a cantareira da aldea, ( Andamiaxe S.L) visitou Vilar de Barrio e divertiunos cun contacontos dunha nena que soña con viaxar polo mundo coa súa pandeireta. A través da música tradicional, Carme e os espectadores/as, participaron dunha aventura a través da música, os xogos e as cantigas!

CHOCOLATE EN PARADA DE SIL

Este luns os nenos e nenas de Parada puideron disfrutar dunha gran función de mans  do cociñeiro Antón e da pasteleira Tomasa da compañía Teatro Calavera.

Ao remate da obra puideron degustar un postre saudable de froitas con chocolate, que eles mesmos elaboraron.

Este pasado mércores 27 de Agosto, gracias a boa xente de Donde viven los cuentos, 33 rapaces e 9 adultos disfutaron do contacontos Escola de dragóns, un conto interactivo e participativo no que os nenos e nenas acompañan a Zog o seu paso pola Escola de Dragóns.

Todos xuntos aprenderon a comportarse como auténticos dragóns e a superar cada unha das probas plantexadas pola señorita Dragón. Polo camiño, coñecerá a unha rapaza que non quere ser princesa e que ten o soño de ser doutora, descubrindo a importancia de esforzarse para conseguir o que queren e de axudar os demais.

O Mago Paco fixo Maxia con humor intelixente. A través dos seus xogos interactou c@s nen@s e maiores sorprendendo sempre.

Moi bo e divertido!!

Fazulas e o ladrón de paraugas na B.P.M Rosalía de Castro de Arzúa

Mércores 20 de agosto.

Biblioteca Pública Municipal de Arzúa.

“De que cor é o vento?” Esta é unha pregunta que tentou obter reposta a través da historia do gato Fazulas, un gato persa que emprende unha aventura fantástica collido á empuñadura dun paraugas. Para darlle vida a este conto, visitou a biblioteca Fran Campos da compañía Bandullo Azul, acompañado de Fazulas que fixo as delicias dos máis novos e novas. Para dar un broche de ouro a esta xornada, os rapaces e rapazas, crearon xunto a Fran, unha canción como agasallo a tan distinguido gatiño.

Quedan aquí abaixo unha fotos que dan boa conta do bo ambiente do que se disfrutou este día.