O día 24.08.2023 no Salón de Plenos adxunto á Axencia de lectura congregaronse nen@s, mozos e adultos para crear chapas pola igualdade.
En continua colaboración e con moita ilusión todos acabaron lucindo as súas creacións e presumindo da súa obra.-
O dia 19.08.2023, a pesares das condicións climáticas desfavorables que impediron a realización da actividade ao aire libre; xuntáronse na Nave do Concello, un grupo de nenos/as xunto cos adultos, dispostos a aprender as técnicas de creación de pinturas naturais; e o máis interesante, a poñelo en práctica coa realización dun Mural onde quedaron reflexados os coñecementos dese día e a aposta pola igualdade que se fai dende este Concello e esta Axencia de lectura de Parada de Sil
O espectáculo «O conto de Barriga Verde», con Fran Rei, escrito por Avelino González a partir de tres obras de Manuel María chegou ata o Salón de Plenos adxacente á Axencia de lectura de Parada de Sil o dia 20 de xullo ás 11:30 para facer as delicias de nenos e maiores.
Fran Rei presentou o seu nuevo espectáculo unipersonal que mezcla narración oral, humor e maxia.
Os pequenos e non tan pequenos da vila acudiron a ver esta presentación con gran ilusión e moita presa por comezar.
Un obradoiro creativo para contar os nosos contos en Parada de Sil
Escola das Utopías realizou un obradoiro didáctico e ameno para os rapaces que asistiron. Elaboraron un conto con materiais reciclables: fixeron un marco de cartón cun plástico na parte central onde escribirían o conto cun rotulador que lle deron. No marco pegaron follas, papel de seda, un cogumelo máxico e un trasgo feito con tecidos polos nenos.
Con este obradoiro os cativos asistentes coñeceron un pouco máis o mundo dos seres mitolóxicos e dos bosques de Galicia.
Grazas Escola das Utopías polo bó rato que pasamos!
O pasado luns mergullámosnos nos contos de César No. Foi moi divertido e de moita aprendizaxe o vivido coas historias de aventura dun príncipe que desexaba vestir de rosa, demostrándolle ó seu pobo que iso non faltaba a súa boa labor ou a galiña “pirata pata de lata” empeñada en dar o tesouro para que todo o pobo poidese beneficiarse e para rematar, as falcatruadas do gato de César na alameda de santiago.
Entre cancións e repeticións os cativos de Parada de Sil aprenderon unha menxase para a vida moi importante.
Grazas César por facernos pasar tan bo rato!!
Contos divertidos e máxicos co Mago Paco
O Mago Paco veu a Axencia de Lectura de Parada de Sil o pasado 17 de agosto cheo de contos e historias a través de xogos e da maxia que levaron aos nenos a descubrir que tódolos contos teñen a súa maxia.
Grazas Mago Paco polas risas e o asombro!
A señora Antonia díxonos que era unha meiga. Con sombreiro picudo, nariz afiado, verruga no rostro… e trouxo contos moi antigos e historias que contaban as nosas avoas ao redor do lume nas noites escuras e de choiva. A rapazada da Axencia de Lectura de Parada de Sil disfrutou “sen medo” das vellas historias do “home do saco”e ata o camposanto máis divertido de Galicia onde as pantasmas, o lobishome e os vampiros fixeron rir a todos e lembrar aqueles contos dos nosos antergos.
Grazas Carmen Domech por tan boa e divertida experiencia de contacontos!
O sábado 27 de agosto, grazas a Solidaridade Internacional de Galicia e da man de María, a contacontos, e a nosa amiga imaxinaria: “Irene”, os nenos/as, nais e pais da Axencia de Lectura de Parada de Sil viaxamos ata Guatemala para coñecer moitos detalles deste fermoso país: costumes, alimentación, paisaxes, música, baile… e un conto moi antigo. Foi unha actividade moi enriquecedora e participativa, na que descubrimos Guatemala cos cinco sentidos: tocando unha pedra de lava, cheirando o arrecendo do café, vendo a súa paisaxe rodeada de mar, ouvindo a marimba e cantando cancións típicas.
Ao final a nosa contacontos María, regalóunos un libro precioso para voltar a soñar e viaxar con Irene ata o país africano de Senegal.
Grazas María, “Irene” e Solidaridade Internacional de Galicia por acercarnos un chisco á vida e cultura de Guatemala!
Na pasada tarde do venres 30 de xullo recibimos na Axencia de Lectura de Parada de Sil a visita de Harris “a toupa arqueóloga”.
Realizamos unha actividade que combinou a arqueoloxía, a igualdade e as risas nos xogos nos que os nenos se convertiron en arqueólogos por un día; coñecendo a toupa Harris e o seu afán por ler e excavar ata atopar a Mamoa da Moura. A través dun xogo de pistas que incluiu a simulación do traballo dos arqueólogos, ata descobrir a Mámoa da Moura e o para qué servía. Todos os que participamos no contacontos ficamos ledos por saber que significaba este legado prehistórico.
Grazas “Toupa Harris” e Electra por tan boa tarde e por ensinarnos cousas do pasado!
Séguenos