Iniciamos a bibliomóbil de verán co espectáculo de contos con monicreques Raposadas de Raquel Queizás.

O pasado 21 de xuño despedimos o curso escolar no Pino e demos a benvida ao verán viaxando por diferentes países e continentes ao son das historias e as cancións de Lydia Botana e a súa bolboreta, “de aquí para alá”.
Case unha hora que se fixo curta entre conto e conto; entre canción e canción; entre baile e baile… e a pesar de que eramos 150 rapaces e rapazas no Auditorio da Casa da Cultura que serve de espazo auxiliar para as actividades organizadas pola biblioteca municipal, tamén este se quedou pequeno para tanta animación!

                      Feliz verán!! Vémonos nas bibliotecas!!

O día 4 de xullo, no obradoiro “Radiocontada”, impartido por Lucía Abarrategui (Laboratorio de Radio), os e as participantes achegáronse á linguaxe radiofónica: voz, música, efectos e silencio para despois sonorizar diferentes contos e poemas. Ademais, fixeron unhas cuñas radiofónicas para animar á lectura. Unha boa forma de gozar da literatura dun xeito divertido.

Radio Bulebule, a radio itinerante de Paco Nogueiras, retransmitiu onte dende Carnota.

Grandísimo espectáculo de orixinal formato, baseado no libro-disco editado por Kalandraka e inspirado no marabilloso mundo da radio.

O pasado 27 de xuño visitounos na Biblioteca de Riotorto,  Manuel Solla Barragáns, co seu espectáculo “A Maxia dos Contos”.

Os nenos e nenas que acudiron disfrutaron deste espectáculo de animación á lectura, con maxia, contos, monicreques e adiviñas no cal houbo participación do público de forma moi divertida.

O contacontos introduciunos no mundo máxico dos contos coa axuda dunha maleta máxica e da man dos seres fantásticos que nela habitan.

O sábado 30 de xuño Ela e Dylan do grupo Maquinarias Teatro,  recitaron e musicaron poemas de Bob Dylan na Biblioteca municipal de Láncara

OS NENOS E NENAS, E TAMEN OS PAIS, PASARONO MOI BEN ESCOITANDO OS CONTOS CON ALBA DE COMECHINS SEGUNDO PRATO.

A meiga Alborada amosou todos os seus coñecementos sobre cómo enfocar a vida. As reflexións non deixaron impasibles ao público asistente, o alumnado de 5º e 6º de educación primaria municipal.

Grazas Xoré Teatro!

O venres pasado as familias de A Illa pasaron unha tarde inesquecible na Biblioteca Municipal acompañadas por Gloria Mosquera e María Lires, que narraron, ilustraron e deron música ás historias que alí contaron.

Con Historias de Papel, os nenos e nenas e as súas familias disfrutaron dunha tarde moi agradable.

Payaso Piruleta@Cía. achegaron a poesía de Gloria Fuertes coa biblioteca máxica de Don Renato nunha actuación de teatro, música, maxia, circo, malabares, e baile que conquistaron aos nenos, nenas e familias.