O domingo 17 de abril o grupo Xanela Ocio visitou a Axencia de Lectura Municipal de Ribas de Sil.

Os nenos e nenas disfrutaron de 3 contos moi divertidos e entretidos.

Celebrámo-lo día do libro infantil e xuvenil con “Dada o duende” da compañía Eduvía. Unha actividade sinxela e vital para un público heteroxéneo, nenas e nenos de 3 a 5 anos e mailos seus pais, que quedou cautivado desde o primeiro minuto polas curiosas historias de Dada.

Estivo Magín Blanco ca actuación “Libros encantados”, presentounos uns cantos libros con música e cantou algunhas cancións,e rematou cun poema de Manuel María.

CONTOS CON PARTICIPACION DOS NENOS E NENAS.MOI ACTIVO E ENTRETIDO.

NA LANTERNA MÁXICA MESTURASE TEATRO,LITERATURA,E CINE.NESTA OCASION TRABALLARON POEMAS DE MANUEL MARIA RELACIONADOS CON ANIMAIS.FOI UNHA EXPERIENCIA ALTAMENTE POSITIVA.

O 15 de abril comezamos as actividades do programa Ler Conta Moito 2016 coa visita de Jorge Juncal e María Faltri co espectáculo “Fantasía coas palabras”.

Encheron o noso salón de actos os nen@s de 1º, 2º e 3º de educación primaria do Colexio Padre Feijoo de Allariz.

Gozaron dun espectáculo musical cheo de humor, cuns fantásticos músicos en directo e a preciosa voz de María Faltri que nos fixeron recorrer o abecedario.

Pasámolo moi ben e os nenos marcharon encantados.

Xa estamos esperando a seguinte actividade.

O 14 de abril na actividade dos xoves “A Biblioteca dos pequenos” , Chio Couto achegou tanto aos nenos e nenas coma os pais cancións do cancioneiro tradicional galego. A actuación foi moi entretida e participativa.

 O sábado 9 de abril Tarabelos presentou a narración ilustrada do conto “O traxe novo do rei” de H.C. Andersen con títteres de boca, títteres de mesa e miniaturas. Foi un espectáculo moi ameno e divertido co que disfrutaron tanto os nenos coma os adultos que os acompañaban.

Con motivo das celebracións do Día do Libro durante o mes de abril  a B.P.M. de Valdoviño presenta a través do programa Ler conta moito varios espectáculos para público familiar. Nesta ocasión Marta Ortíz de A TROPA DE TRAPO acercounos o contacontos “Cores : contos con obxectos de reciclaxe e música” do que disfrutaron moitísimo todas as nenas e nenos e as suas familias.

Expresión Produccións achegou ata a Axencia de Lectura de San Vicente o seu espectáculo “Conto contigo” que fixo as delicias de grandes e pequenos.

Nesta tarde de contos tivemos a ocasión de coñecer a Julia unha nena a que lle encantaban os contos e descubriu un lugar máxico onde había unha chea de contos, a Biblioteca. Para poder levar contos tiña que ser socia da biblioteca e polo tanto fixo o carne. Pero so podía levar un conto. ¿Como ía a facer se lle gustaban todos os que alí estaban? Ao final, por arte de maxia, conseguiu levarse na súa mochila a todos os personaxes dos contos clásicos que mais lle gustaban.

Tamén coñecemos a Juanito que desexaba ter unha mascota pero a súa nai non lle gustaba ningunha que lle traía (elefante, león, gorila, xirafa). Despois de moito cavilar atopou a mascota ideal, un cadelo.