O pasado mércores, 9 de outubro, Caxoto trouxo ó salón de actos da ALM Gumersindo Márquez de Oubiña (Cambados), un conto no que os nenos e nenas interactuaban co contador. Unha activiadade didáctiva onde daba a coñecer varios dos instrumentos musicais de cultura tradicional galega como a gaita ou a pandereta, foi unha historia moi recomendable.

O pasado mércores día 2 de outubro na ALM de Oubiña,  tivemos a sorte de desfrutar dunha tarde espectacular  de maxia con Leo Leíño. Foi unha tarde  máxica, con música e chistes que os máis pequenos disfrutaron participando en  todo momento. Leo fai da maxia unha diversión e conecta co público dunha maneira increíble. Actividade totalmente recomendable.

O luns, 1 de outubro,  na ALM de Oubiña-Cambados tivemos a oportunidade de ver o espectáculo “Lobo Bobo” da compañía Elefante Elegante, unha divertida reinterpretación dos contos clásicos, chea de sorpresas, música e cor. Tódolos cativos e cativas pasaron un momento ben divertido en compañía de Gonzalo e as súas historias. Os asistentes gozamos moito desta actividade.

No Auditorio de Cambados, o 24 de outubro, celebramos o Día  das Bibliotecas co Teatro Ghazafelhos e a súa obra “Camiñando entre estrelas”.

A biblioteca municipal Luís Rei, grazas  ao programa Ler conta moito, puido contar con esta actividade que fixo as delicias de pequenos… e non tan pequenos… velaí van algunhas imaxes…

O luns 23 de outubro Trinke trinke fixo unha parada en Oubiña, para que os nenos desta parroquia coñecesen tamén a súa versión ratoniana de Os ratiños da caixa. Os rapaces e pais que participaron puideron gozar dunha sesión moi divertida e chea de sorrisos… velaí van algunhas fotos que así o reflicten:

Onte A illa dos nenos visitou a ALM de Oubiña para celebrar connosco o Día do Libro Infantil… e fixémolo entre contos e maxia… aí van algunhas imaxes!