O pasado dia 21 de Outubro celebramos a semana do ” Día das Bibliotecas” cun contacontos musicado moi entretido. Participaron moitos rapaces e rapazas coas súas familias e pasámolo moi ben!!
Graciñas a Blanca Millán e R.J Peralta por esta tarde de contos 😉
Esta semana pasada tivemos o pracer de contar co Mago Charly , co seu “Taller de Maxia”.
Unha tarde divertidísima e que os rapaces e rapazas lembrarán. Viñeron acompañados dos seus familiares, co que o espectáculo, no salón de actos, foi todo un éxito! 🙂
O pasado 16 de Maio, celebramos con “Contos e Acordeóns” o Día das nosas Letras, na Biblioteca Municipal de Corcubión. Contamos, cantamos e bailamos con moitos rapaces e familias que se achegaron ata aquí.
Unha mañá moi entretida!!
Contos: “Paco”, “Nicomedes o pelado”, “Onde viven os monstros”, etc…. Todos eles, están no noso Catálogo da RBG.
Este Luns, 25 de Outubro, tivemos a ocasión de divertirnos e aprender robótica na Biblioteca. Celebrando así tamén o Día das Bibliotecas deste ano.
Un grupo de 12 rapaces e rapazas, crearon os seus propios robots e os levaron despois para casa, logo de ver cómo funcionaban.
Pola Igualdade dende a Maxia, de Leo Leíño gustou tanto aos cativos de Corcubión que pasou o tempo voando.
Un lote de trucos de maxia, algúns consellos para explicar a igualdade entre homes e mulleres aos máis pequenos, e unha visita moi especial dos nen@s do Proxecto Lecer, que se celebraba no verán en Corcubión, fixo que esta mañá na Biblioteca fora así de divertida.
Deica outra!
Moita rapazada e familias, na presentación este pasado Domingo 23 de Setembro do libro-disco de Pablo Díaz “TIC TAC TOC”.
O público amosouse moi participativo. Pablo e a súa banda aproveitaron tamén para presentarnos a súa nova publicación: “Coas miñas mans”.
A Biblioteca Pública de Corcubión está situada na Casa da Cultura.
#LerContaMoito
A Biblioteca Pública Municipal do Concello de Corcubión, situada na Casa da Cultura, acolleu a actividade de animación á lectura : “Contando en feminino”, da Asociación Lisístrata. Coa contadora Ana Hermida.
Celebrando así con pequenos e maiores, o “Dia da Muller”, dentro dos actos organizados por este Concello e coa colaboración da Xunta de Galicia co programa “Ler Conta Moito” para as bibliotecas municipais.
A actividade realizouse o dia 19 de Marzo. E durou aproximadamente 1 hora. O público asistente disfrutou moito cos contos relacionados coa Muller e Igualdade; e ademáis participou activamente desta actividade.
De 12:00 a 13:15 aprox.
Aquí podedes ver algunhas fotos deste dia….
Migallas Teatro
O Sábado 24 de Outubro estiveron os de “Migallas Teatro” en Corcubión animando coa súa “Merenda con Pan de Millo” a tódolos nen@s e público en xeral que se achegou á Casa da Cultura.
Celebramos así con eles o “Dia das Bibliotecas ” deste ano.
“Miña abuela Manuela”, “Pan de millo” ,“Que cousa, cousiña, é?”, “Os piratas limpos”, “Unha vella tiña un can”,.. son algunhas das cancións que interpretaron, incluídas no libro-cd “Pan de Millo”, de Kalandraka” e coas que conseguiron que os nenos e nenas pasaran un dia inesquecible
Séguenos