Día 28 de xuño de 2013, ás 17:00, na biblioteca de Escairón

Manuel Solla, de Expresión Produccións, cos seus Contos para todos pertencente ó programa Ler conta moito. Despois de atopar a súa maleta máxica perdida, foi sacando dela un feixe de personaxes impresionantes, o que máis sorprendeu ó público foi o seu “Libro Máxico” da Princesa de labios de fresa do que ían xurdindo personaxes que non esperabamos e que cada vez nos sorprendían máis: unha malvada bruxa, unha ra, un dragón, e por fin un príncipe.

A súa perezosa mascota Pelusa axudoulle na súa actuación, que consistiu nun espectáculo de títeres, contacontos, maxia, animación, clown e música en directo.

Quedamos para volver xogar coas personaxes dos Contos vivos que nos traia Manuel en setembro.

Gustounos xogar e tocar a Pelusa, a mascota axudante de contacontos e experta buscadora de maletas.

Rematamos así as sesións de contacontos de último venres de mes ás 5 da tarde, pois ó longo do verán os contacontos terán lugar ás 12 do mediodía e a partir de setembro cambiarán de día.

Actividade moi educativa e entreteñida para os nenos,amena e moi productiva.

O 9 de maio os dous autores da colección de contos “Polo correo do vento”, Enrique Mauricio (Mau) e Carlos Taboada (Pin) ofreceron na Biblioteca Municipal de Lugo unha actividade de animación á lectura, dentro do programa Ler conta Moito.

A sesión estaba destinada non só á animación á lectura senón tamén a concienciar aos nenos e nenas da importancia que ten o respecto e a protección do medio,

Ademais de todo iso, quixeron que os asistentes se animaran ao debuxo. Así comprobaron que si che explican paso a paso cómo se realiza un personaxe, é moi sinxelo debuxalo. De feito moitos deles sorprendéronse do ben que lles quedou o debuxo que fixeron.

Como remate, entre todos realizaron tres murais que na actualidade decoran a biblioteca.

O pasado 2 de maio a compañía Elefante Elegante representou na Biblioteca Municipal de Lugo a pequena obra: o aviador.

O protagonista humano, un aviador dos antigos, que viña ataviado como os da época de cando os avións no eran moi seguros (e de feito o seu avión no o era nada), aterreza na biblioteca, xusto onde se atopaban os nosos lectores máis pequenos sentados e dispostos a escoitar a súa historia. Aquí atopouse cun moucho moi, pero que moi, pesado, ao que o sol non lle gustaba nada.

O aviador tentará convencelo de que a luz do sol é necesaria para a vida, e xunto cos nenos e nenas participantes na actividade, amosaranlle o que sucede si o sol desaparece.

 Ao final os nenos fóronse encantados e orgullosos de axudar ao aviador a convencer ao moucho.

O venres 26 de abril, visitounos María Paz Gutiérrez . Estivo na BPM de Ordes,  e contounos historias cheas de maxia, sobre a vida en otros continentes. Fixo as delicias de máis de corenta cativos  e das súas familias. Xuntos escoitamos fermosas historias e vimos libros , atuendos e obxectos de outros continentes. Para finalizar tomamos o té, que tivo tantos sabores como quixemos imaxinar…Estupendo!

O día 20 de xuño, os nen@s xunto co profesorado do CEIP de Maceda, disfrutaron dun curso de cociña creativa, organizado pola Biblioteca Pública dentro do programa da Xunta Ler Conta Moito.

Elaboraron pan, muffins e galletas, que unha vez amasadas, pasaron polo forno.

07 de xuño, unhas horas antes de ser nomeado Premio Xerais de Novela 2013 coa obra ” Cadeas”, o escritor Xabier López López estivo en Santa Comba. Nunha actividade enfocada aos adultos explicou cómo un lector chega a ser escritor. A  súa conclusión é que para ser escritor, primeiro,  tes que ser moi bo lector. Esta actividade está incluída dentro do Programa Ler Conta Moito.

O pasado día 18 de maio a Compañía Trinke-Trinke fixo disfrutar aos pequechos xalleiros coa obra Ratos na Biblioteca. Este actividade, incluída no programa Ler Conta Moito, conseguiu que aos rapaces se lle fixese curta a actuación.

A biblioteca municipal de Vimianzo acollía o Sábado día 22 o contacontos de Raquel Queizás “Historias de Maletra”, un espectacúlo que conseguiu manter a atención dos numerosos nenos e nenas que participaron na actividad.

Raquel Queizás soubo manter en cada unha das historias a intriga e cautivar a atención dos presentes que participaron xunto coa contadora cando a historia o requería.

Unha actividade lúdica que achega aos máis pequenos ao mundo dos libros e das bibliotecas.

O nenos e nenas dos centros escolares e as escolas unitarias do concello de Vimianzo encheron o auditorio da Casa da Cultura de Vimianzo para despedir o curso escolar cunha exitosa actuacion de Marta Ríos, que interpreta a “Pequena”. A portagonista contanos historias nas que podemos descubrir o grande que pode ser alguén pequeno e o pequenas que poden ser as cousas grandes.

Escolares e mestres gozaron dunha divertida función, dentro do progrma ler conta moito, que soubo entreter aos presentes cunha actividade lúdica e educativa ao mesmo tempo.