O xoves 10 de abril Avoa Youja recreou o nacemento dunha árbore con música e imaxes creadas con xogos de luces e auga. Resultou moi axeitada para os mais cativos (de 0 a 3 anos) polo carácter visual e relaxante da actividade. Mantivo a atención -cousa tan difícil en bebés- e gustou tanto aos nenos coma os pais.
O venres 11 de abril, a asociación teatral Garabullo representou na Axencia de Lectura de Santiso a obra “Unha pinga de mel” a través da cal, coñecemos a importancia das abellas no medio ambiente.
O día 5 de abril en “Os Sábados, conto” Trinketrinke Teatro, con vestuario de ratos, fixo unha actuación moi orixinal. Elaborou receitas sinxelas para que os rapaces despois as poideran facer na casa, coa mensaxe de aprender a comer san. Conseguiron manter a atención dos nenos de principio a fin.
O primerio grupo de axudantes coa Xardineira Maior trala lectura ás suas sementes.
O venres 4 de Abril festexamos na Axencia de Lectura Municipal de Chapela o Día do Libro Infantil e Xuvenil, convidando aos máis cativos a achegarse aos contos e mais á práctica de experimentos científicos.
A contadora Nita amenizou unha tarde moi divertida e instrutiva, onde pais e nenos gozaron da maxia da ciencia.
A actividade realizámola en dous grupos:
– Un primeiro grupo, con cativos/-as de 2 a 3 anos.
– Un segundo grupo, con cativos/-as de 4 a 6 anos.
Pais e nenos saíron moi satisfeitos, as valoracións foron moi boas e todos aprendemos e gozamos coa actividade.
VER MÁIS NO BLOG DAS BIBLIOTECAS DE REDONDELA: http://bibliotecasredondela.blogspot.com.es/2014/04/a-ciencia-divertida-de-nita-na.html
O mércores 2 de abril o grupo “Polo Correo do Vento” desenvolveu actividade “A volta ao mundo en oito máquinas” . Os rapaces quedaron encantados de participar activamente no espectáculo que conxuga música, teatro e contacontos.
Moi entretida que deixa os pequenos abraiados, na que se misturan contos que eles coñecen perfeitamente……. enredandoios uns con outros!
Consegue captar totalmente a atención dos pequenos, faendoios participes da actuación
O 21 de marzo contos con música e cancións con Bea Campos na Biblioteca de Pontevedra. Os bebes e os seus pais disfrutaron moitísimo coas historia, a música e as cancións de Migallas.
O 28 se marzo na Biblioteca Pública de Pontevedra conmemora o Día Internacional do Teatro cun divertido espectáculo de monicreques e maxia da man de Manuel Solla.
Espectáculo de narración oral no que O Duende Dada deléitanos cun repertorio de contos marabillosos nos que están presentes valores moi importantes: Convivencia, Traballo en equipo, Igualdade, Medio ambiente
Tamén nos descobre o lugar onde podemos encontrar todas esas historias, por iso nos fala dos libros, a lectura, as bibliotecas, como a nosa.
Moitos nenos participan con Dada neste Contacontos máxico. Unha forma moi divertida de fomentar a lectura entre os máis pequenos.
Consultar o enlace ao evento no Facebook da Biblioteca
Séguenos