Os de Xanela Ocio déronlle outra volta ao conto e presentáronnos relatos actuais e divertidos cos que é doado identificarse.

Na biblioteca Miguel González Garcés de Culleredo, o día 25 de abril ás 19:30 horas, tivo lugar a actuación MaxicoSons, a cargo do músico Álvaro Muras e do ilusionista Martín Camiña. Como foi unha actividade con moito público, máis de 80 nenos e 70 adultos. Para poder acoller a todos desenvolveuse no salón de actos. Todos pasaronlo moi ben.

A biblioteca municipal de Culleredo, o día 22 de abril, na programación da Semana do libro contou coa actividade de Trinketrinke Teatro “Aventura na cociña”. Máis de 50 nenos, xunto cos seus pais e nais desfrutaron dunha actividade moi animada, dinámica e divertida.

Na biblioteca Miguel González Garcés de Culleredo, celebramos a Semana do libro cunha programación especial. Unha das actividades elexida foi un contacontos para bebés, Triquitraque-traquetriqui, a cargo de Charo Pita. A actividade durou 40 minutos, pero os bebés aguantaron perfectamente e aos pais e nais  encantoulles. Charo, cantounos, contounos, rimounos e todos xuntos xogamos a cabalgar nun cabalo.

O martes 13 de maio realizamos na biblioteca do Porriño un obradoiro de banda deseñada impartido por Xosé Tomás. O nome do obradoiro era Coñécete a través dos cuadriños, e a través del pretendíase achegar aos rapaces e rapazas a un medio tan complexo e aglutinador ao público a través da implicación persoal.

Deste xeito, traballamos a creación de guións baseados en historias cotiás, da vida mesma, afondando en valores como as relacións humanas saudables, o respecto na convivencia, así como en aspectos como a creatividade e a imaginación. Tamén abordamos a creación de personaxes e as técnicas para facelo, e traballamos os códigos da banda deseñada: as viñetas, as elipses narrativas, a montaxe de páxinas, os planos cinematográficos, etc. Botando man de obras destacadas do mundo da banda deseñada, exemplificáronse as diversas temáticas ás que se poden facer fronte  e como se poden empregar.

Foi unha mañá arredor da banda deseñada, o que fixo as delicias dos rapaces e rapazas que ateigaban a sala de consulta da biblioteca porriñesa.

O pasado venres día 9 de maio tivo lugar a actuación “Aventuras na cociña” da compañía de teatro Trinke Trinke. Foi unha tarde moi divertida para os máis pequenos na que escoitaron entretidas historias ó tempo que aprenderon a facer sinxelos pratos con froitas e verduras. Tanto lles chamaban a atención que os querían probar polo decorativos e chamativos que eran.

O martes 13 de maio, os nenos dirixidos polo Teatro Babaluva, aprenderon a deseñar o retrato de Xosé Díaz Castro en estilo cubista e aplicando a técnica do colaxe, mentres lle contaban detalles da súa biografía.

O martes 13 de maio un grupo de nenos e pais participaron das divertidas historias do Lobo bobo na Biblioteca Pública Municipal de Caldas de Reis a cargo da Compañía Elefante Elegante.

O sábado día 10 de maio grandes e pequenos disfrutaron na actividade ” Moito conto” de Cucarandainas. Os nenos participaron gustosos na escenificación dos contos. Resultou unha sesión de contacontos moi entretida.