O luns 19 de maio dezasete nenos e nenas participaron no obradoiro creativo para facer un retrato cubista do autor ao que se adica este ano o Día das Letras Galegas.

Fixeron un retrato cubista do autor que simboliza as diferentes facetas artísticas do mesmo, e a súa doble condición de poeta e traductor.

O resultado foi do agrado dos pequenos artistas que opuxeron moito da súa colleita. Dende logo ningún retrato foi igual a outro, todos deixaron ver a imaxinación de cada un dos autores.

Contacontos musical a cargo de Xandobela Teatro na ALM de Os Tilos o venres 16 de maio, a través dos textos de ‘Nimbos’ percórrese a traxectoria do poeta chairego Díaz Castro (homenaxeado no Día das Letras Galegas), cunha revisión actual, profunda e amena, á súa achega ás Letras e en especial á poesía e á tradución. Pensado para nenos e nenas a partir dos 8 anos. Acompañouse cun centro de interese preparado polo persoal da biblioteca de Díaz Castro e as Letras Galegas.

O mércores 14 de maio, co gallo das letras galegas visitou a nosa axencia de Lectura Manuel Solla con “Conto Contigo”, unha actividade de contacontos con títeres e máxia. Entre adultos e nenos asistiron unhas 50 persoas.

Foi unha actividade interactiva na que os nenos participaron representando os papeis dos protagonistas do conto. ¡Ainda hoxe os máis pequenos me preguntan se vin o rato Fli!.

Os nenos disfrutaron dun contacontos moi animado

O venres día 16 celebramos na biblioteca o día das letras galegas co contacontos AVENTURAS NA COCIÑA de Trinke Trinke. A ratiña Lili Gruyere contounos contos moi divertidos. Pasamolo moi ben e queremos que volva outra vez.

Con motivo do Día das Letras galegas o día 15 de maio tivemos no Salón de Actos da Casa da Cultura de Xinzo de Limia a actuación de  Raquel Queizás co seu expectáculo da Maleta da Avoa.

Dado que aumentamos a capacidade do Salón nesta actuación puidemos  invitar a máis público e dende logo moi variado.

Acudiron 250 nenos de 3º a 6º curso de primaria do CEIP Carlos Casares, 5º e 6º do CEIP Rosalía de Castro, como o expectáculo se prestaba para todos os públicos acudiron tamén dous importantes colectivos da nosa vila, Limisi, Asociacion para A Promocion de Minusvalidos Psiquicos Da Limia  e os Anciáns do Centro de Día os que a súa movilidade lles permitía vir ata a Casa da Cultura.

Encantounos a todos. Foi  todo un éxito

O 16 de maio celebramos o FESTIVAL DAS LETRAS na biblioteca de Boqueixón cunha variada programación na que destacou a magnífica actuación de CARLOS COIRA, quen co seu espectáculo “ABRAPALABRA. MAXIA E POESÍA”, fixo as delicias do público asistente.

Na Biblioteca Pública de Maceda “Franscisco Carballo”, celebramos o día das Letras Galegas con Raquel Galavís e o seu espectáculo Cantacontos. Participaron uns 80 nenos/as de E.P do Colexio Público de Maceda xunto cos seus profesores. Raquel fíxonos cantar e bailar co ritmo da guitarra do seu compañeiro e participamos nos seus contos coas mans, pés e cos nosos propios movementos “pasámolo xenial”.

Rematamos o ciclo de actividades do programa “Ler Conta Moito”, coa representación de Carlos Coira e a sua máxia, ” ABRAPLABRA. MAXIA E POESÍA ” os cativos moi activos, disfrutaron, riron e participaron, os aplausos foron longos.

O día 16 de maio visitounos na Biblioteca Raquel Queizás co espectáculo “A maleta da Avoa”, unha maleta chea de pequenos tesouros, bonecas de millo, chapeus e títeres cós que foi contando aqueles contos que de pequena escoitaba a súa avoa.

Un espectáculo moi divertido na que tanto nenos como pais participaron e disfrutaron durante toda a actividade.

O pasado 23 de abril na Semana do Libro visitou a nosa axencia Leo Leíño co seu espectáculo “Maxia Cómica“.

Leo Leíño nun momento do espectáculo

Cunha asistencia de mais de 50 persoas foi a delicia de maiores e pequenos que axudaron á maga na súa actuación.

Os nenos xogan un pouco cos aparellos e artiluxios que empregou na actuación