Onte seguimos de celebración no mes do libro. Contamos con Juan Juste e o seu novo espectáculo coas aventuras de Katerina e Ivan, a través das distintas técnicas en papel.
Nenos e maiores disfrutamos das historias do Kamishibai, da técnica de pergamiño ilustrado (emaki), do teátro de sombras e de incríbles historias da man de Juan Juste, que sempre consigue sorprendernos. Unha delicia e sensación a tope para os sentidos !!!

OLYMPUS DIGITAL CAMERA

OLYMPUS DIGITAL CAMERA

O mércores,19 de abril, Minia Rego Sanz visitou a biblioteca municipal de Monforte de Lemos para contarlle contos aos nenos e facer que coa súa imaxinación ilustraran as historias que eles inventaron.

Foi unha tarde moi fecunda xa que disfrutaron moito coas historias que lles contou Minia.Proba delo é que estiveron máis de hora e media debuxando e inventando historias.

Marina, a serea da Illa de Sálvora contounos cómo era a súa vida a través dunha historia chea de sorpresas e intrigas das xentes do mar, na Biblioteca do CEIP Xosé Luis Taboada da Barrela.

O 18 de abril, Fuco, o rato de biblioteca de Trinke Trinke e os seus amigos “os ratiños da caixa” animaron os nen@s de Vimianzo nunha sesión moi divertida.

No día de onte, 18 de abril ás 18 horas, celebramos o día do Libro con Raquel Queizás estivo na ALM de Areas (Ponteareas) con “Mariña. Contos nados no mar” contándonos contos e lendas do mar de maneira moi amena na que os nenos pasárono en grande dende o primeiro minuto.

Mariña foi unha serea galega que viviu entre nós hai moitos anos. Ao seu fillo contáballe lendas e mitos dos seres mariños que poboaban os fondos do mar.  Agora comparte con nós todas as súas historias con nós e traenos unha mensaxe moi urxente de parte do océano, que o coidemos que non esquezamos que nas súas augas naceu a vida.

O resultado foi excepcional, dende os máis cativos ata os maiores participaron en todo momento, pasamos unha tarde moi divertida e emocionante cos contos de Raquel Queizás.

O día 4 de abril para conmemorar o Día Internacional do libro Infantil levouse a cabo nesta biblioteca o contacontos Madame Bechamel e Signorina Bolognesa, dúas cociñeiras algo alocadas que cociñaron un bico nun conto cheo de amor imposible entre un mago e unha bruxa-

Madame Bechamel e Signorina Bolognesa

Cuns días de retraso, o martes 11 de abril celebramos o día Internacional do Libro Infantil e Xuvenil con Celtia Figueiras que nos ofreceu a primeira sesión das Estacións en contos titulada “Contos na Primavera”.

Hoxe na biblioteca de Monterroso visitáronnos dúas cociñeiras algo toliñas que nos prepararon un caldo de bicos  moi especial.  Pasamos unha tarde moi divertida.

O pasado 3 de abril LEO LEÍÑO visitou a Axencia de Lectura Municipal de Ribadetea (Ponteareas) coa actividade “Maxia e humor. Entre libros anda a maxia” co motivo da celebración do día do Libro Infantil e Xuvenil. Tivemos chamas das que saíu un coello, libros encantados… Tanto os nenos coma os grandes gozaron dos diversos números xuntando a maxia coas risas, a ilusión ca diversión… Os nenos prestáronse encantados como axudantes de maga para realizar algúns trucos: a fonte, o abano…

Todo isto fixo un grande espectáculo de maxia, mesturado esquisitamente coa dramatización e a música, da man sempre tan profesional de Leo Leíño.

O pasado día 8 de abril na Biblioteca Pública Municipal de Viveiro, estivo Raquel Queizás contándonos contos e mitos do mar de maneira moi amena na que os nenos pasárono en grande desde o primeiro minuto.