Traballamos os cinco sentidos a través dos contos. Fantástica a destreza do animador para empatizar con nenos e nenas tan pequenos. Moi enriquecedor para todos e todas.

O mércores 6 de xuño, ás 18:00 h, na Biblioteca Rego da Balsa de Carballo puidemos gozar coa actividade “Gliz. O pastor de nubes e o pintor de flores”, un contacontos con ilustración destinado para nen@s de máis de 4 anos, e realizado polo escritor galego Anxo Fariña, autor da saga dos “Megatoxos” ou a colección de “Antón e Pompón”, tamén destinada a estas idades.

Aproveitamos a función para falarlle @s cativ@s das obras de Anxo, fomentando así o gusto pola lectura e animando ás familias a coñecer outras oportunidades literarias. Pasámolo en grande con todos os debuxos que nos fixo, polo que animamos a calquera a asistir a algunha das súas funcións!

Moitas grazas por compartir connosco as túas historias e os teus trazos, Anxo! 😀

O escritor Anxo Fariña impartindo o seu contacontos con ilustración “Gliz. O pastor de nubes e o pintor de flores”, na Biblioteca Rego da Balsa (Carballo).

Obradoiro de cabezudos no Carballiño celebrado o 19 de maio  e inspirados nos personaxes das obras de María Victoria Moreno.

Unha tardiña moi animada e participativa na que chegaron á nosa Biblioteca Pública de Meis, diferentes especies de árbores autóctonas cómo os teixos, freixos, bidueiras, aciñeiras, buxos…para contarnos as súas historias, velar polos bosques, fragas, soutos, e evitar os incendios, defendendo así o noso futuro.

Carballo con Botas foi o contador destas historias cargadas de valores en defensa dos nosos bosques, e o que nos animou a formar fila para sair da Biblioteca e abrazar ás árbores da nosa praza.

O 16 de maio celebramos o Día das Letras Galegas con Fátima Fernández.

Fátima contounos unha chea de historias acompañándoas de diferentes libros pop-up. Entre esas historias destacou a referida a “Minia Senín” personaxe da obra de María Victoria Moreno.

Foi unha sesión moi divertida!!!

O día 6 de xuño os alumnos do ceip de Covelo visitaron a biblioteca para disfrutares da actuación do Mago Paco, que a través dos libros e outros xogos fixo maxia cun toque de diversión.

Na biblioteca de Mugardos, tivemos a sorte de poder pasar a tarde do 5 de xuño na compaña da autora Eva Mejuto, nunha sesión xuvenil na que fixemos un exercicio de reflexión sobre temas como a diversidade sexual, a transexualidade ou  identidade sexual. Unha experiencia tan recomendable como enriquecedora.

Enrique Mauricio e Carlos Taboada,“ Polo Correo do Vento ” , presentaron na biblioteca de Sober  :

María Victoria Moreno , unha historia de amor.

Contos e debuxos sobre a autora homenaxeada este ano polas Letras Galegas.O público asistente coñeceu a vida e a obra desta autora, a través dos contos de Quique e os  excelentes debuxos de Carlos. Para rematar cada asistente fixo unha caricatura da autora seguindo as instruccións de  Carlos Taboada.

E o día 25 de  maio, dentro da programación das Letras Galegas, tivemos a Pablo Díaz, que veu visitar aos nenos e nenas do CRA de Bergondo.

Pasárono en grande cantando as súas cancións!