O pasado sábado realizamos na nosa biblioteca unha actividade moi de actualidade: a robótica.

Da man de Átomos, os cativos aprenderon a importancia da innovación e investigacións científicas. Entenderon que a robótica non só serve para a creación de máquinas artificiais, senón que tamén se encarga de producir útiles tan necesarios hoxe en día coma as pantallas anti-covid. Os nenos montaron cadansúa pantalla e levárona de agasallo para a casa.

Pero iso non quedou aí… tamén montaron un pequeno robot que tamén levaron. Incluso nós tivemos o mesmo obsequio!

Actividade recomendada. Os cativos saíron cun sorriso ben grande…

O venres, 2 de outubro, veu á biblioteca de Bergondo Montse Fajardo e falounos do seu libro “Invisibles, relatos do maltrato”. Montse ten unha forma de falar abraiante e pasou o tempo voando. Quedamos encantadas coa súa visita!

O venres 5 de outubro contamos co Ilusionista Marco na Axencia de Lectura Municipal de Meaño, unha tarde de maxia entretida  e amena  na qu o público asistente participou activamente dende os seus asentos. Reecordamos ós nosos maiores, avos e avoas.

Este martes 29 de setembro, visitounos Migallas Teatro na biblioteca de Vilalonga, tivemos unha sesión

de contos tradicionais e de creación propia, transmitidos a través de cancións, música e sons.. tamén adiviñas musicais que divertiron ós ne@s.

Andrea Barreira tróuxonos a Carral un conxunto de elementos, ferramentas e ideas coas que adquirir destrezas para crear as nosas propias narracións. Os rapaces asistentes desfrutaron das técnicas que lles trasnmitiu Andrea e foron creando historias coas que construíron un fancine. Foi unha mañá divertida e creativa.

Este xoves a Biblioteca de Chapela festexou o seu adiado 15º aniversario co músico Xoán Curiel.

Para facer a actividade nun espazo axeitado, trasladámonos ao auditorio do Piñeiral do Crego, no mesmo edificio onde está a biblioteca.

Dentro do escenario reproducimos unha biblioteca en miniatura, para acoller ao noso artista, un músico didáctico, fascinante e divertido, que foi quen de transformar a distancia física imposta, e a barreira das máscaras en auténticos sorrisos, en ritmo e en diversión compartida… ao tempo que nos aprendía máis dunha curiosidade musical.

A actividade estaba dirixida a familias, especialmente a nenos e nenas de entre 5 e 10 anos, e foron moitos e moitas os que se achegaron, previa inscrición, a pasar esta tarde agradable con nós.

Moitas grazas a nenos, nenas e adultos acompañantes por acompañarnos e gozar con nós deste día.
Por moitos anos máis!

+ Info no noso blog: https://bibliotecasredondela.blogspot.com/2020/10/concertazo-na-biblioteca-xela-arias.html

Hoxe, 2 de Outubro, recibimos na biblioteca de Vilar de Santos a visita de Leo Leiño con “A maxia de Mary Poppins”.

Unha actividade coa que os nen@s puideron coñecer a unha niñeira máxica que acabou transformándose na auténtica Mary Poppins. Gozaron moito cos trucos e aprenderon  cousas moi útiles, ademais de recoller e cumprir os desexos dos máis pequenos, todo elo sempre fomentando o hábito da lectura.

HOXE ACOMPAÑOUNOS EDUVIA CO SEU OBRADOIRO SENSORIAL PARA BEBES. MARUXIÑA, A NENA PROTAGONISTA DO CONTO AMOSA OS PEQUENOS OS DIFERENTES SENTIDOS, E PRACTICA CON ELES TANTO O OLFATO, COMO O OIDO,ETC. FOI UNHA BOA TARDE

Día 2 de outubro de 2020 ás 11:00, biblioteca de Escairón

Despois, aproveitando a diferencia de densidades entre o aceite e a auga, usando cores ó óleo flotando na auga colocamos uns trozos de cartón cos que conseguimos obter uns preciosos marcapáxinas totalmente orixinais:

Onte tivemos con nós a Paco Nogueiras facendo que toda a cativada, pais e nais bailasen ao seu ritmo, coa sintonía de Radio Bule Bule. Un espectáculo baseado nun libro cd-dvd editado pola editorial Kalandraka, cheo de música, baile e moito humor. Fomos para casa coas pilas ao tope de marcha!!