O pasado xoves 10 de outubro visitounos Patricia, de Eduvía, que marabillou á cativada. Non sabiamos cantas sensacións podemos acadar con obxectos tan sinxelos!

O venres 11 de outubro pasamos unha tarde estupenda con Iria, deseñadora gráfica, que nos aprendeu a crear a portada do libro que quereriamos ler.

Para a rapazada máis nova, Fani trouxo á Biblioteca municipal de Arnoia a actividade “Debuxando un conto”, na que participaron tanto os máis pequenos coma algún profe do CEIP San Salvador de Arnoia.

Unha actividade moi entretida e da que todas e todos desfrutamos

Un grupo de nenas e nenos do CEIP San Salvador de Arnoia viñeron á biblioteca municipal a pasar unha estupenda xornada coa actividade “Atrévete a facer o teu propio libro”, acompañados de profesores do centro e levada a cabo por Fani Padullés.

As persoas que participaron quedaron moi contentas, pasóuselles moi rápido o tempo polo entretidas e metidas na actividade que estiveron.

A Compañía Garabullo escenificou a historia de Pirula e o Misterio das abellas nun fin de semana moi doce neste concello, onde Ler Conta Moito escolleu a temática das abellas coincidindo coa 37ª edición da Feira do Mel no Valadouro. Ademais dos monicreques comandados por Helder o público infantil puido aproveitar un divertido obradoiro de chapas de imanes.

O evento de maxia na biblioteca “Dóra Vázquez” foi unha tarde chea de encanto e asombro, tanto para os máis pequenos como para os adultos. O mago Charly Braun cativou a todos coa súa destreza e humor, creando un ambiente de ilusión que atrapou a atención do público de todas as idades. Nenos e nenas viviron momentos máxicos, pero as persoas adultas tamén se deixaron levar polo espectáculo, gozando dunha actuación que uniu a toda a familia nunha experiencia memorable.

Sen dúbida, unha tarde que será lembrada con alegría polas persoas asistentes.

O sábado 12 de outubro veunos visitar Trécola Producións coa obra “Historia dunha gaivota” , unha tarde de familia onde o tema da solidaridade, a importancia de apoiar e protexer ao máis débil, ao divertido e interesante que é descubrir outras formas de pensar  e vivir e, ao pracer que se sinte cando axudamos a outras persoas a superar os retos.

Grazas por este día especial TRÉCOLA !!!

O  venres 11 de outubro as nenas e os nenos pasárono en grande con Narci Rodríguez e o seu obradoiro de beatbox.

Aprenderon a musicalidade das palabras e a maxia dos sons.

Moitas grazas.

o pasado venres 11 de outubro Alba Farto estivo con nos para ensinarnos lettering con unha metodoloxia práctica, dinámica e amena.
A actividade gustou moito entre o público asistente, que grazas a implicación e bo facer de Alba Farto sai da activided coñecendo as tecnicas de lettering

O venres 11 tivemos unha tarde máxica co mago Javier Muro, quen nos trouxo as súas LETRAS MÁXICAS , un espectáculo de maxia moi divertido.

Unha tarde chea de risas na que nenos e nenas estiveron máis que dispostos e encantados de axudar no desenvolvemento dos trucos.