A rapazada de A Barcala (Cambre) puido gozar este venres 30 de setembro dunha nova actividade de animación á lectura. Antía Yáñez ofreceu na Biblioteca Municipal Xabier P. Docampo unha sesión de ‘Escape room na biblioteca’. Mozos e mozas de Cambre tomaron parte nun entretido xogo de pistas que os levou a percorrer todos os recunchos da biblioteca para poder escapar do lugar.
Na tarde deste venres, 23 de setembro, a Biblioteca Municipal Xabier P. Docampo de Cambre acolleu a actividade de animación á lectura ‘Cinema Marabillas. Ver para ler!’ da man de Raquel Queizás.
Nesta sesión tivemos a oportunidade de achegarnos á lectura dun xeito atractivo e divertido, a través da proxección de fragmentos das primeiras adaptacións cinematográficas de cine mudo inspiradas nos contos marabillosos e nos libros clásicos da literatura. Polgariño, Alicia no país das marabillas, Peter Pan, O mago de Oz… O cinema tamén se le.
A Biblioteca Municipal Xabier P. Docampo de Cambre acolleu este venres, 16 de setembro, o espectáculo “O paroleiro” a cargo da compañía Os Contos de Pablísimo. O paroleiro, apoiandose en distintas técnicas e estilos, enredou ao público infantil e familiar cun feixe de divertidas historias, ofrecendo unha sesión memorable.
A Biblioteca Xabier P. Docampo (A Barcala-Cambre) acolleu o venres 15 de outubro un fermoso conto inclusivo en lingua de signos. A sesión incluíu tamén unha vertente didáctica que resultou ben interesante para o público asistente.
O pasado venres 24 de setembro O faiado de Nin trouxo á Biblioteca M. Xabier P. Docampo de (A Barcala-Cambre) a interesante actividade que leva por título “A arte de ler”. As nenas e os nenos gozaron dunha sesión moi creativa, centrada no deseño de bolsas e mochilas para grandes lectores.
Este venres 17 de setembro a Biblioteca Municipal Xabier P. Docampo de A Barcala (Cambre) converteuse nun obradoiro infantil de libros. A rapazada de 6 a 10 anos puido gozar da actividade programada “Atrévete a facer o teu propio libro” da man de Estefanía Padullés. Unha experiencia sensacional que tivo moi boa acollida entre as nenas e nenos participantes.
O pasado venres 10 tivemos na Biblioteca Municipal Xabier P. Docampo (A Barcala – Cambre) a primeira sesión de Ler Conta Moito para esta tempada. As familias puideron gozar do espectáculo “Basilicamente, a marabillosa biblioteca de don Basilio”, a cargo de Pinconús Teatro.
O pasado venres estivo Pakolas na Biblioteca M. Xabier P. Docampo para actuar ante un grupo de fieis seguidores e fans desta estrela do rock que engatusa ao público máis esixente. A ritmo de rock foi, pois, que describimos unha parábola que nos levou con Ramona Órbita a viaxar no tempo sen deixar de bailar, sen deixar demover o esqueleto…
O pasado venres estivo con nós na Biblioteca Xabier P. Docampo a Gemola quen, con inefable dinamismo, fixo vibrar a todo o público co cantaxogo “Baixo a mesma cor”.
O pasado martes visitou a Biblioteca Municipal Xabier P. Docampo da Barcala a actriz Raquel Queizás. Ante un público atento e participativo contou tres contos cos que abríu as abertas as portas da mente para que poidamos pensar, reflexionar e cuestionarnos moitos dos comportamentos que vemos nas relacións cotiás entre os homes e as mulleres, entre os nenos e as nenas cada día. E todo isto dun xeito amable, orixinal e tamén divertido. Ao remate, recomendounos varias lecturas e nós… atenderemos á súa recomendación! Grazas, Raquel!
Séguenos