O mércores 20 de xuño de 2018, Luis Vallecillo actuou na Escola de Educación Infantil de Lañas, dentro da campaña de animación á lectura nas escolas infantís. Chegado o fin de curso, nenos e nenas e as súas familias puideron contar, cantar e bailar ao son do espectáculo Cantamos? Na actuación, Luis Vallecillo repasou unha serie de contos coñecidos e outros de creación propia cun toque de rock e blues en galego.

A Escola de Educación Infantil de Lañas do Concello da Baña acolleu o pasado venres, 29 de setembro de 2017, ás 12.00 h,  o espectáculo teatral ‘Catalina Lino Lina’, unha actividade na que participaron as escolas de educación infantil de Aro (14 alumnos e alumnas), San Vicenzo (38 nenos e nenas) e Lañas (6). A actividade foi todo un éxito e gustoulle moito tanto ao alumnado como ao profesorado . Dentro da súa actuación, Catalina deleitou o público cos contos de ‘Carapuchiña ‘, ‘Simbad’ e ‘Alicia’. Grazas Catalina por facer voar a imaxinación dos nosos cativos e cativas!

A actuación de Mamá Cabra dentro da clausura do Campamento urbano da Baña foi todo un éxito. Gloria e Diego, compoñentes do grupo, conseguiron que o público se involucrase totalmente. As familias asistentes cantaron, bailaron individualmente, en parella e en roda, seguiron as coreografías… e aplaudiron a rabiar.

As familias dos nenos e nenas do Punto de Atención á Infancia puideron gozar coa festa musical de Pitusa Semifusa, o pasado venres, 28 de xullo. Con esta actuación aprenderon os instrumentos da familia da música, cantaron e bailaron con esta proposta tan lúdica e amena.

Este obradoiro, dirixido ao alumnado de secundaria do CPI San Vicente, estivo desenvolvido por dous regueifeiros o pasado venres, 23 de xuño, en horario de mañá.

A mocidade puido achegarse, cun toque de humor, ao mundo da disputa oral en verso sobre diversos temas tal como facían de maneira espontánea os nosos antepasados.

Foi unha boa oportunidade para desensolver a axilidade mental, o humor, a improvisación, o enxeño, a mordacidade…

O venres, 19 de maio, ás 12.15 h, o alumnado de infantil e primaria do CPI San Vicente gozou da actuación de Álvaro Muras e Martín Camiñas, un espectáculo de música e maxia a través da vida e obra de Carlos Casares, encadrado dentro da Semana bañense das Letras 2017. O auditorio estaba a rebentar de aplausos, gargalladas, ilusións, letras, sons, emocións…

Para refrescar uns días tan calurosos  de verán, na Clausura do campamento lúdico- deportivo da Baña cantamos contos con Luis Vallecillo.

Os libros trasládanse ata a Área recreativa Agra de Chans da Baña coa nosa biblioteca ambulante para que o grupo de máis de 60 nenos e nenas puideran gozar do tempo libre, da piscina e da lectura no mes de xullo.

Á primeira hora cargamos as pilas cuns bocatas saudables con productos da terra e do mar, e, a partir das 12:30h cantamos, saltamos, bailamos e contamos contos que a todos e todas nos gustan. Seguir o ritmo de Luis Vallecillo requería de moita concentración e atención para rematar facendo una gran roda combinando exercicios.

Foi unha despedida do mes de xullo estupenda!

Este venres, 17 de xuño de 2016, coincidindo coa finalización das clases trasladamos a nosa biblioteca ambulante á Escola de Educación Infantil de Lañas (A Baña) para continuar coa campaña de animación á lectura con nenos e nenas.

Co BRINCA VAI! de aquí e dacolá de Paco Nogueiras lemos, vimos e escoitamos a variedade de instrumentos que nos poden acompañar para facer unha canción de cada celebración do ano. Pasamos medo no Samaín, disfrazámonos no Entroido, visitounos o Apalpador… un mundo cheo de animación combinado en diferentes cancións que case sabían cantar e bailar todos os pequenos e pequenas que acudiron á escola de Lañas. Traballouse co audio libro previamente e sacouselle moito partido a esta actividade. Os nenos e as nenas da Baña xa saben o que é ter os pés na terra para medrar cheos de ganas de brincar e de cultura.

Ata outra brincador@s!!!

Na tarde do luns 16 de maio de 2016, no Concello da Baña pasamos unha tarde gastronómica entre cultura. Degustamos café, batido e cacao coas letras de Manuel María, onde os/as participantes fomos lendo os seus poemas acompañados dun doce e dos debuxos que fixeron os/as máis pequenos/as.

Achegámonos algo máis ao autor homenaxeado e alimentamos a imaxinación e a barriga nunha tarde agradable de sol e de boa compañía.

E como toda merenda pide pan, decantámonos por unha deliciosa Merenda con pan de millo que nos prepararon os de MIGALLAS TEATRO. Foi un excelente fin de tarde co teatro, cantando e prestando atención ás interesantes historias que nos contaron nas que aprendemos a respectar máis aos nosos maiores (os avós e as avoas), os xogos en equipo,  os hábitos saudables e a marabillosa cultura tradicional .

Familias e pequenos/as cantamos en directo coa banda de pulgas que interpretaba miles de instrumentos. A imaxinación e o ritmo voaban como voou o tempo durante esta tarde na Baña.

O pasado venres 15 de abril puidemos gozar na Baña da VI Maratón de contacontos e co Obradoiro de marionetas de papel de Viravolta títeres na Casa da cultura.

Pequenos e pequenas, acompañados/as das súas familias descubriron o que a imaxinación pode facer, xunto cunha dose de boa interpretación para que os contos estén cheos de vida.

Achegamos a papiroflexia a menores e familias. A imaxinación flúe acompañada duns folios de cores, pegamento e unhas tesoiras para que puideran crear a súa propia marioneta de cores.

Foi unha tarde na que estivemos rodeados/as de cultura, xogo e aprendizaxe.