O luns, 19 de outubro, desfrutamos dunha tarde moi entretida, lúdica e educativa co Obradoiro de Marionetas de papel a cargo de Viravolta Títeres.

Todos os asistentes fixeron o seu comecocos, que logo decoraron e adornaron ao seu gusto, partindo das instruccións de Anxo, que con moita paciencia e bo humor foinos desgranando como facer a nos marioneta.

Tanto pais/nais, como nenos/nenas, o pasaron en grande e aprenderon que cousas tan xeniais pódense facer cuns trozos de papel de cores.

RESULTADO DO NOSO OBRADOIRO DE MARIONETAS DE PAPEL. VIRAVOLTA TÍTERES.

O luns, día 5 de outubro, tivemos o gran placer de recibir e desfrutar con Elefante Elegante e a súa obra “O Avidor”.

Dende o pobre aviador que ten que reparar unha e outra vez a súa avioneta ata o moucho de cores que ten un gran problema para non durmir de día, toda unha historia que divertiu e entretivo tanto a cativos como a máis maiorciños.

Este luns, días 28 de setembro, na Biblioteca pública municipal “Mª José Ruso” de Dorneda, Concello de Oleiros, tivemos a gran sorte de porder contar con Maumarela que nos deleitaron co seu obradoiro Crea Fósiles de Dinosaurios.

Cubríronse todas as prazas e máis que tiveramos, os nenos e nenas aprenderon o que era un fósil e como podían eles facer un. De feito todos saíron co seu fósil e levaron tamén outro a medio facer que terán que rematar na súa casa nuns días, despois de que lles explicaran como e cando facelo.

Todo un éxito, Maumarela.

O luns, días 27 de outubro, tivemos a Nita na nosa biblioteca con dous obradoiros de ciencia.

O primeiro ás 17,00 hs. para nenos e nenas de entres 2 e 4 anos. Unha mezcla de contos e experimentos científicos destinados á súa idade.

O segundo obradoiro foi ás 18´30 hs. para nenos e nenas de 5 a 8 anos. Tamén foi un éxito, como é lóxico tanto os contos como os experimentos eran máis complexos e acordes á súa idade.

Excelentes obradoiros nos que con cousas moi sinxela que todos podemos ter na casa se fan experimentos que parecen cousa de maxia.

Ao longo de catro xornadas (13,17,20 e 24 de outubro) de 90 minutos cada unha, tivemos connosco a Gargallando co taller “Bibliotecas Animadas”.

Neste obradoiro ensináronnos como  facer imaxes en movemento. Partindo dun conto os asistentes ao taller tiveron que debuxar e colorear aos protagonistas, asi como os diferentes fondos onde ubicar as escenas. Posteriormente se fotografiaban cada escena e se gravan as voces.

Todo iso se somete a un proceso de montaxe e teremos a nosa propia película de animación.

O luns, días 29 de setembro, tivemos a gran sorte de poder presenciar e participar no gran espectáculo que nos deron tanto Martin Camiña como Álvaro Muras. Todos os asistentes, tanto cativos como maiores, desfrutaron coa maxia e a música de Maxicosons.

Un espectáculo dinámico, entretido , divertido e diferente.

O luns, 14 de outubro, tivemos a actuación do grupo Migallas teatro coa súa obra “Canta-Contos”.

Foi unha longa sesión, onde todos o pasaron estupendo, tanto cos contos como coas cancións que facían máis atractivos os contos.

Dende un principio tanto a música como o xeito de contar os contos, o ritmo, a escenificación… engaiolaron tanto a nenos e nenas como aos seus pais e nais.

Unha boa experiencia.

O luns 7  de outubro ás 18:30 na Biblioteca de Dorneda  tivemos  “Contos para todos” a cargo de Manuel Solla  (Expresión Produccións). Tivo una gran acollida por parte de todo o público asistente, así como unha gran participación. Escenificacións e pequenos trucos de maxia algunhas das cousas que poidemos descubrir.

Os 43 asistentes desfrutaron de 50 minutos de ilusión.

A nosa experiencia con este Taller de plastilina chamado “Instantáneas de plastilina” é moi positiva.

O taller o fixemos o luns, día 23 de setembro de 2013, das 18,30 ás 20,30. Este tempo é moi necesario sobre todo porque traballamos con nenos e neas de curta idade.

Despois de que se puxeron por grupos de 3 ou 4 nenos e nenas, explicouselles a idea do taller. entón é cando eles empezaron a dar conta da súa imaxinación e creatividade.

En todo momento estiveron guiados e asistidos por María Noel Toledo, a creadora do taller. E a parte de ensinarlles “trucos” para que algunhas cousas saíran ou aguantaran mellor non condicinou a imaxinación dos rapaces.

De feito penso que se poderían crear diferentes niveis de coñecemento para poder ter unha continuidade dunha tempada para outra, xa que non é o mesmo traballar cos nenos e nenas que xa teñen uns coñecementos previos que partir de cero. Si partes de cero o tempo queda máis ben escaso, por que hai que atender a un total de 17 asistentes. Destos 17, nenos eran 4 e nenas 13. e si estes rapaces e rapazas tiveran ocasión de facer outros taller máis avanzado sería un xeito de que aprenderan máis sobre este fascinante material e a mellor forma de crear con el.